[A:101]mgon dpal mchog rgyal mtshan/ chos rje don grub rgyal mtshan/ mkhas btsun grub pa khams ston nam mkha' dpal bzang / des bdag bande tshul khrims rin chen la'o/ /yang na sa skya paN chen nas/ chos kyi rgyal po 'phags pa blo gros rgyal mtshan/ zhang dkon mchog dpal ba/ na bza' brag phug pa bsod nams dpal/ 'jam pa'i dbyangs don yod rgyal mtshan/ slob dpon 'dul 'dzin pa/ chos rje byang chub seng ge shar chen ye shes rgyal mtshan man 'dra'o/ /!/ /gsum pa gzhan rjes su 'dzin pa rig pa'i gnas la bzo dang gso ba gnyis/ dang po bzo rig pa ni/ stag tshang lo tsA ba'i rig gnas kun shes las/ bzo la lus bzo ngag bzo yid bzo gsum/ /zhes gsungs pa ltar na/ rig pa'i gnas phal cher bzo rig pa'i khongs su 'du bar gsungs shing / 'dir bzo rig bye brag pa dpal dus kyi 'khor lo'i rgyud dang / 'grel chen dri med 'od dang / bde mchog sdom pa 'byung dang / gshin rje'i gshed nag po rgyud 'grel bcas dang / 'jam dpal rtsa ba'i rgyud dang / bslab pa kun las btus pa la sogs pa nas gsungs pa'i de bzhin gshegs pa dang / rgyal yum sogs dang byang chub sems dpa' khro bo khro mo sogs kyi sku'i thig rtsa ci rigs par bshad pa rnams dang / de dag gi bzhed pa ma nor bar ston par byed pa mkhas dbang sman bla don grub pas mdzad pa'i sku gzugs kyi tshad kyi rab tu byed pa'i gzhung ni/ bod yul 'dir rgya gzhung tshad ldan lta bur khas len dgos pas/ gzhung der de bzhin