[A:102]gshegs pa'i sku'i mtshan dang dpe byad bshad pa/ tshad kyi gzhung du grags pa 'ga' zhig rang bzos bslad pa'i mi 'thad pa'i phyogs dgag pa/ tshad dang mi ldan pa'i sku gzugs bzhengs pa'i nyes skyon brjod pa/ mdo rgyud kyi gzhung lugs chen po rnams kyi lung gis tshad ldan gyi lugs dgod pa/ tshad de dag dang ldan pa'i sku gzugs bzhengs pa'i phan yon brjod pa/ sku gzugs bzhengs pa'i lha bzo dang sbyin bdag gi mtshan nyid brjod pa/ de dag lag tu blang ba'i rim par/ ji skad du/ rgyal ba'i sku gzugs thal mo bcu pa dang / /rgyal sras rnams kyi mtho bcu zhan pa dang / /rgyal yum sogs kyi zhal tshad dgu pa dang / /rgyal dbang khros pa rnams kyi gdong brgyad pa/ /mi'u thung gi lus tshad mtho drug pa/ /zhes 'byung ba ltar gyi rgyas par bshad pa ste don tshan bdun gyi sgo nas bstan pa dang / de'i rjes su 'brang bar gyur pa dbyangs can lha mos rjes su bzung ba rta nag ri mkhar ba dpal ldan blo gros bzang pos/ gang phyir gang gis gang la gang ltar 'dri/ /rtags dang skyon yon spang blang ji ltar bya/ /zhes pa ltar don tshan brgyad kyis bstan pa dang / de dag gi rjes su 'brangs nas 'jam pa'i dbyangs kyi sprul pa'i zlos gar mkhas dbang sangs rgyas rgya mtshos lag tu blang ba'i thig 'debs kyi rim pa dbus gtsang phyogs kyi bris 'bur mkhas pa'i lha bzo rnams kyi tshad kyi phyi mo rnams bstun te bai DUr g.ya' sel du gsal bar phye ba rnams dang / gzhan yang kho bo cag gi yang mes sprul sku sangs rgyas lha dbang gis mdzad pa'i bskor thig gi 'grel pa mthong ba don