[A:104]kun dga' phun tshogs/ de las bdag gis so/ /de dag gi tshad kyi lag khrid dang rgya sman gsar rnying gi lugs srol so so'i khyad par gyi ri mo'i 'gros sogs zhib par nos pa'i brgyud pa ni/ 'di yan chad btsal/ de nas karma pa dbyangs can bzang po'i zhabs/ sprul sku sangs rgyas lha'i dbang po/ dbon sprul sku dge 'dun 'od zer/ sprul pa'i bzo bo mkha' ri gdong pa dbon po rgya bo zhes pa/ 'gru dge yag lha bzo/ de las ngag dbang chos 'phel ba/ des bdag la lag khrid du stsal to/ /yang na dge yag pa nas/ de sras karma chos lung / mkhas btsun chen po sangs rgyas chos 'phel/ de las bdag bande tshul khrims rin chen gyis legs par nos so/ /!/ /byang chub phyogs kyi chos sum cu rtsa bdun gzugs rnam du shar ba'i thar pa'i grong khyer gzhal yas khang gi tshad ni/ paNDi ta chen po gung ru shes rab bzang pos mdzad pa'i yi ge la brten nas dkyil 'khor spyi'i thig tshad rta babs snam bu bzhi pa dang / snam bu bcu gcig pa'i thig 'debs dang / bye brag tu rgyud sde bzhis bstan pa'i dkyil 'khor rnams kyi nang thig gi khyad par rnams dang / las bzhi'i sbyin sreg gi thab thig dang bcas pa thos bsam gyi sgo nas lag len du gtan la bab cing / rdo rje 'chang kun dga' bzang pos mdzad pa'i kye rdo rje'i rnam bshad zla zer dang / gzhal yas khang gi tshad rnam par gzhag pa dang / kun mkhyen go bo rab 'byams pas mdzad pa'i kye rdo rje man ngag lugs kyi rnam bshad rnams kyi lung legs par nos shing gzhal yas khang blos slong gi cha tshad rnams