[A:104]ཀུན་དགའ་ཕུན་ཚོགས། དེ་ལས་བདག་གིས་སོ། །དེ་དག་གི་ཚད་ཀྱི་ལག་ཁྲིད་དང་རྒྱ་སྨན་གསར་རྙིང་གི་ལུགས་སྲོལ་སོ་སོའི་ཁྱད་པར་གྱི་རི་མོའི་འགྲོས་སོགས་ཞིབ་པར་ནོས་པའི་བརྒྱུད་པ་ནི། འདི་ཡན་ཆད་བཙལ། དེ་ནས་ཀརྨ་པ་དབྱངས་ཅན་བཟང་པོའི་ཞབས། སྤྲུལ་སྐུ་སངས་རྒྱས་ལྷའི་དབང་པོ། དབོན་སྤྲུལ་སྐུ་དགེ་འདུན་འོད་ཟེར། སྤྲུལ་པའི་བཟོ་བོ་མཁའ་རི་གདོང་པ་དབོན་པོ་རྒྱ་བོ་ཞེས་པ། འགྲུ་དགེ་ཡག་ལྷ་བཟོ། དེ་ལས་ངག་དབང་ཆོས་འཕེལ་བ། དེས་བདག་ལ་ལག་ཁྲིད་དུ་སྩལ་ཏོ། །ཡང་ན་དགེ་ཡག་པ་ནས། དེ་སྲས་ཀརྨ་ཆོས་ལུང༌། མཁས་བཙུན་ཆེན་པོ་སངས་རྒྱས་ཆོས་འཕེལ། དེ་ལས་བདག་བནྡེ་ཚུལ་ཁྲིམས་རིན་ཆེན་གྱིས་ལེགས་པར་ནོས་སོ། །༈། །བྱང་ཆུབ་ཕྱོགས་ཀྱི་ཆོས་སུམ་ཅུ་རྩ་བདུན་གཟུགས་རྣམ་དུ་ཤར་བའི་ཐར་པའི་གྲོང་ཁྱེར་གཞལ་ཡས་ཁང་གི་ཚད་ནི། པཎྜི་ཏ་ཆེན་པོ་གུང་རུ་ཤེས་རབ་བཟང་པོས་མཛད་པའི་ཡི་གེ་ལ་བརྟེན་ནས་དཀྱིལ་འཁོར་སྤྱིའི་ཐིག་ཚད་རྟ་བབས་སྣམ་བུ་བཞི་པ་དང༌། སྣམ་བུ་བཅུ་གཅིག་པའི་ཐིག་འདེབས་དང༌། བྱེ་བྲག་ཏུ་རྒྱུད་སྡེ་བཞིས་བསྟན་པའི་དཀྱིལ་འཁོར་རྣམས་ཀྱི་ནང་ཐིག་གི་ཁྱད་པར་རྣམས་དང༌། ལས་བཞིའི་སྦྱིན་སྲེག་གི་ཐབ་ཐིག་དང་བཅས་པ་ཐོས་བསམ་གྱི་སྒོ་ནས་ལག་ལེན་དུ་གཏན་ལ་བབ་ཅིང༌། རྡོ་རྗེ་འཆང་ཀུན་དགའ་བཟང་པོས་མཛད་པའི་ཀྱེ་རྡོ་རྗེའི་རྣམ་བཤད་ཟླ་ཟེར་དང༌། གཞལ་ཡས་ཁང་གི་ཚད་རྣམ་པར་གཞག་པ་དང༌། ཀུན་མཁྱེན་གོ་བོ་རབ་འབྱམས་པས་མཛད་པའི་ཀྱེ་རྡོ་རྗེ་མན་ངག་ལུགས་ཀྱི་རྣམ་བཤད་རྣམས་ཀྱི་ལུང་ལེགས་པར་ནོས་ཤིང་གཞལ་ཡས་ཁང་བློས་སློང་གི་ཆ་ཚད་རྣམས་