[A:106]g.yu khri dang sum pa gnod sbyin sogs kyis dar rgyas su mdzad pa'i rdzab dang gshar ma'i nang gsel lugs srol cung zad 'dra min mchis pa rnams la'ang sbyangs lor bgyis so/ /!/ /gsum pa thugs kyi rten ni/ rdo rje dril bu la sogs pa phyag mtshan rnams kyi tshad dang mtshan nyid dang / mchod rten la de bzhin gshegs pa'i mchod rten brgyad de/ 'di'i go rim gyi thog ma lha babs nas byas pa sogs mi 'dra ba mang du yod cing / mnga' ris tshul khrims 'od zer gyis/ pad spungs bltams tshe ser skya'i drung du dar/ /byang chen rdzogs sangs rgyas tshe rdo rje gdan/ /sgo mangs chos 'khor bskor tshe wA rA Na sIr dang / /cho 'phrul cho 'phrul bstan tshe mnyan yod du/ /lha babs yum gyi don mdzad gsal ldan grong / /dbyen bzlum dge 'dun 'dums tshe yangs can du/ /sku tshe'i bdud las rnam rgyal mchod rten che/ /myang 'das mya ngan 'das tshe rtswa mchog grong / /zhes srid pa tha ma pa'i byang chub sems dpa' sku bltams ma thag nas phyogs rnams su gom pa bdun bdun bor ba'i sar padma skyes pa sogs bkra shis pa'i rten 'brel dang mthun par padma sprungs pas thog drangs par mdzad pa ltar legs shing / mchod rten brgyad po de dag gi cha tshad yi ge mang du mthong mod/ yongs su grags pa kun mkhyen bu ston rin chen grub dang / sprul sku ri mkhar ba dpal ldan blo gros bzang po dang / thar rtse paNDi ta nam mkha' dpal bzang dang / 'jam pa'i dbyangs sangs rgyas rgya mtshos mdzad pa sogs yig cha gsar rnying mthong thos byung ba 'ga' zhig la lag len thig