[A:108]dpal ldan rgyal mtshan/ brang ti pa kun dga' bzang po/ brang ti stag lha dpal/ brang ti rdo rje dpal bzang / brang ti chos rgyal bkra shis/ brang ti lha rje kun dga' don grub/ dge slong nam mkha' dpal bzang / dbon
'di phan chad slar dpyad dgos/
nam mkha' sangs rgyas/ shar pa shes rab 'byung gnas/ dge slong kun dga' rnam rgyal/ mkhas grub chen po sangs rgyas phun tshogs/ drung 'tsho ye shes mtshan can/ mkhan chen dpal ldan chos skyong / des bdag la bka' drin du stsal to/ /smras pa/ tshul khrims la gnas blo gros can rnams kyis/ /bslab bya thams cad mkhyen pa'i rgyur 'gyur ba/ /gtsug lag bcu phrag rig pa ston pa'i gzhung / /mthong thos tsam gyis bag chag 'jog tshul byas/ /zhes dam pa'i chos thos pa'i yi ge don gnyer gdengs can rol pa'i chu gter las thun mong ba phyi rig pa'i gnas kyi chos skor thos pa'i brgyud rim gyi sarga ste gsum pa'o/ /!/ /spyi don gnyis pa thun mong ma yin pa nang rig pa'i gnas kyi chos skor thos pa'i brgyud rim la gnyis/ sdom pa gsum 'khor dang bcas pa'i chos skor thos pa'i brgyud rim dang / de thams cad kyi rgyab brten du lung gi tshogs thos pa'i brgyud rim/ dang po la/ so sor thar pa'i sdom pa'i chos skor thos pa/ byang chub sems dpa'i sdom pa'i chos skor thos pa/ rig 'dzin sngags kyi sdom pa'i chos skor thos pa'i brgyud rim mo/ /dang po ni lhag par tshul khrims kyi bslab pa ston par byed pa 'dul ba'i sde snod kyi brjod par bya ba'i gtso bo so sor thar pa ste/ de'i mdo