[A:109]las/ 'di ni lang tsho'i rnam 'phrul ba'i/ /rkang gnyis gzhon nu'i lcags kyu yin/ /mtsho bas zab pa'i 'khor ba las/ /sgrol ba'i brgal thabs 'di yin te/ /'di ni bzang 'gror 'gro ba yi/ /nges pa'i chu lon zab pa yin/ /'di ni nyon mongs 'pham byed lam/ /rgyal po yi ni 'dren pa mchog / 'di ni thar pa'i grong 'jug pa'i/ /them skas bzhi dang 'dra bar gnas/ /zhes dang / bshes pa'i spring yig las kyang / khrims ni rgyu dang mi rgyu'i sa bzhin du/ /yon tan kun gyi gzhi rten lags par gsungs/ /zhes gsungs pa ltar gnas skabs dang mthar thug gi yon tan la sogs pa dge legs rin po che rin thang gzhal du med pa ma lus pa 'byung ba'i lag 'gro'i dbang po'i bsti gnas su nges pa dang / de bzhin gshegs pa thams cad kyi bstan pa 'dod dgu 'byung ba'i dpag bsam gyi ljon pa rin po che'i rtsa ba'am gzhi ma ni 'di nyid du bstan pas/ yon tan can kun gyi brten gnas su gyur pa'i bslab gzhi bsrung ba'i rten can du sgrub par byed pa la/ rang lo cher son pa legs par sbyar ba'i skad du sa ra bha wa ste/ stod 'grel gyi skad du zil gnon zhes dang / ljongs 'dir dbang thang dang bstun pa'i ming du me pho rta'i lor sgrol byed kyi lha mo nag pas nya ba'i zhag gi phung po'i mar ngo sngon du 'gro ba'i dmar phyogs kyi gral tshes dge ba'i nyin/ bdag cag gi 'dren pa dam pa tshad med pa'i mkhyen rab dang thugs rje'i bdag nyid/ bcom ldan 'das shAkya seng ge'i lugs bzang sde snod gsum gyi brjod par bya ba bslab pa gsum gyis thugs