[A:16]sar 'khrid par bzod pa'i don gnyis lhun gyis grub pa'i bdag nyid can gang de bsgrub tu yod pa'i rten dam pa ba de rgyu bsgrub par khom pa min pa'i skye gnas kyis rnam par bslad pa med pa'i dal ba phun sum tshogs pa dang / rang gzhan stobs kyis thob pa'i 'byor pa phun sum tshogs pa dang ldan pa'i lus rten lan gcig tsam thob pa 'di ni/ yid bzhin gyi nor bu rin po che rnyed pa las kyang phan yon ches lhag pa thob pa'i skabs 'dir dam pa'i snying po can du sgrub pa ni shin tu 'bad par bya dgos te/ slob dpon zhi ba'i lhas/ mi yi gru la brten nas ni/ /sdug bsngal chu bo che las sgrol/ /gru 'di phyi nas rnyed dka' yis/ /rmongs pa dus su gnyid ma log/ ces gsungs pa/ de lta bu'i rten de la brten nas le lo dang sos dal gyi dbang du ma song bar snying po blang ba'i thabs la rtun pa cher bskyed dgos pa'ang / 'phags pa klu sgrub zhabs kyis/ tshe 'dir gnod mang rlung gis btab pa yis/ /chu yi chu bur bas kyang mi rtag na/ /dbugs 'byung dbugs rngub gnyid kyis log pa las/ /sad khom gang lags de ni ngo mtshar che/ /zhes dang / ngor chen rdo rje 'chang kun dga' bzang po pas kyang / srid gsum thams cad mi rtag ngang tshul can/ /skyes bu'i tshe yang rtswa rtse'i zil pa ltar/ /mi rtag myur du 'chi bar nges pas na/ /shugs drag brtson 'grus bskyed dang blo ldan dag/ ces gsungs pa ltar spyir las mngon par 'dus byas pa las grub pa'i srid pa gsum du snod bcud kyi rnam par ji snyed cig snang ba thams cad mi rtag cing mi brtan par rnam par 'gyur ba'i