[A:176]pa'i chos kyi rnam grangs la/ khrid skyong ba'i phyag len ni/ 'jam dbyangs kun dga' 'phel bzang gis mdzad pa'i zin bris khrid yig nor bu dpal phreng gi thog nas mdzad cing / thun mong ba'i sngon 'gro dal 'byor rnyed dka' sogs kyi skabs zhen pa bzhi bral lam 'bras snang gsum sogs nas drangs nas gsung zhing khrid dmigs
lung khrid lta bu zhig las dmigs thun du bcad pa'i nyams khrid de sngon ma thob kyang slar thob 'gyur gyis bris/
rnams bskyar zhing dmigs thun rnams bsgom du 'jug pa dang / mkhan chen sangs rgyas phun tshogs pas mdzad pa'i zab don gcod kyi khrid yig theg chen lam gyi gsal 'debs sogs kyi steng nas lung khrid du mnos shing / 'jug sgo nam mkha' sgo 'byed kyi byin rlabs sangs rgyas ston pa'i yi ge bzhin mdzad/ khros ma nag mo lha lnga la brten pa'i dbang bskur chos kyi sgo 'byed sde snod 'dzin pa chos rnam rgyal gyis mdzad pa'i yi ge'i steng nas legs par thob bo/ /gzhan yang lung ma khrid du gnang ba ni rgyal thang pa bsam gtan 'od zer gyi le brgyad yongs rdzogs/ rgod phrug ras pa grags pa 'byung gnas kyis mdzad pa'i dmigs 'bum chen mo dang / lung gi skor la/ gcod zab don thugs kyi snying po'i gzhung / 'gor bla ma dang rgyal ba'i yum la phyag 'tshal lo sogs dang blo gros rgyal mtshan gyis btus pa lags so'i mtha' can/ zab don thugs kyi snying po'i bsdus don mjug tu tshig de nyid rdzogs so'i mtha' can/ zab don thugs kyi snying po'i spyi khrid du bstan pa 'gor 'dzam bu'i chu bo'i gser gyi zhes dang / shAkya'i dge slong rdo rje 'dzin pa manydzu gho Sha