[A:224]byang du mi g.yo tshe dpag med kyi bar lha dgu bskyed nas/ sku re re la dmigs nas gzungs ring tshar re ste dgu bzlas nas 'dod don gsol gdab dang dge ba bsngos pas 'chi ba bslu ba'i mchog tu 'gyur te/ slob dpon dze tA ri'i thugs kyi yang snying sa skya pa'i gdams pa zhes yod pa thob pa'i brgyud pa ni/ brag phug pa yan chad tshe dpag tu med pa lha dgu'i dkyil 'khor gyi dbang gi brgyud pa dang 'dra'am snyam ste dpyad par bya zhing / de nas bdag gi drin chen bla ma bkra shis bzang po pa'i bar btsal/ de las bdag bande tshul khrims rin chen gyis nos so/ /!/ /bya ba'i rgyud kyi bcangs pa tsam gyis skye ba dran pa'i gzungs sngags yig 'bru lnga bcu rtsa bdun pa byang sgra mi snyan pa'i tshe'i rang gzungs su grags pa thams cad mkhyen pa zhwa lu lo tsA ba chen pos bslab pa kun las btus pa'i lus bsrung ba'i sngags su bshad pa nyid/ de'i rgya dpe las dngos su phyung ste dag par mdzad cing / lo rgyus yongs grags su lha'i dge bsnyen zhig gis sgra mi snyan nas dngos su blangs te dgra bcom pa blo gros dpal la gtad pa'i sgra mi snyan pa'i tshe gzungs la yig cha mi mthun pa sna tshogs 'dug pa las tshe dpag med lhung bzed bsnams pa'i mngon rtogs dang 'brel pa'i tshe dbang la bsdus pa paN chen nags rin nas brgyud pa sogs kyang yod par grags mod ma thos la/ 'dir sgra mi snyan pa'i rang gzungs zhes yongs grags lo rgyus dang 'brel ba'i sngags dang / rang lus lcags kyi rdo rjer bsgom pa'i zhal shes dang bcas zhib par thob pa'i brgyud pa ni/ mgon po tshe dpag med/ lha'i