[A:262]gros/ khyab bdag kun dga' bzang po/ mus chen sems dpa' chen po/ rgyal tshab kun dga' dbang phyug 'dren mchog ratna wardha/ lha mchog seng ge buddha singha / brang ti paN chen nam mkha' dpal bzang / mkhas dbang dpal ldan don grub/ shar chen shes rab 'byung gnas/ mkhas btsun grub dbang dam pa kun dga' legs pa/ 'jam dbyangs sangs rgyas phun tshogs/ mkhan chen thams cad mkhyen pa tshul khrims lhun grub/ des bdag la'o/ /yang na mus chen/ kun mkhyen bsod nams seng ge ratna wardha/ dkon mchog lhun grub man 'dra/ yang na dkon mchog lhun grub nas/ shar khang pa shes rab rgyal mtshan/ thar rtse pa man 'dra'o/ /'di'i sgo nas yul phyogs kyi rims nad gcod pa'i gzungs chog ni/ 'gro mgon 'phags pa'i gsung rab kyi lung brgyud ltar ro/ /!/ /drug pa padma'i rigs kyi pho nya ni/ khro bo spyi gtsug 'bar ba la sogs pa ni ma byung / rigs kyi pho nya mo ni/ 'jigs med dpal dang dbyangs can ma sogs te/ 'dir 'phags pa spyan ras gzigs dbang phyug gis snyigs ma lnga dang ldan pa'i 'gro ba rnams phyi rol pa'i lha'i gzugs dang rtags dang mtshan mas 'dul bar dgongs nas lha thams cad mkhyen pa zhes bya ba'i ting nge 'dzin la snyoms par zhugs nas dbang phyug sogs phyi rol pa'i lha rnams sku'i cha shas nas phyung ba'i skabs dbyangs can ma che ba las phyung bar bshad cing nges pa'i don du dus gsum rgyal ba kun gyi yum gcig ma yin la/ de yang rigs mang du yod pa'i nang nas shes rab