[A:292]'dzin nas/ mkhan chen sangs rgyas dpal bzang / de las bdag gis legs par nos so/ /lung la phyi chu sbyin la brten nas bsgrub pa/ nang gtor ma la brten nas bsgrub pa/ gsang ba ga'u la brten nas bsgrub pa/ thugs rje chen pos spyan nas dzambha la sprul te jo bo la gnang ba'i lo rgyus rjes gnang gi yi ge bstod pa spyan ras gzigs dbang ma/ she'u lo tsA ba byams pa kun dga' chos grags kyis mdzad pa'i sgom bzlas rjes gnang byed tshul bcas rdzogs par thob pa'i brgyud pa ni/ rmor chen pa yan gong dang 'dra la/ de nas ngag dbang kun dga' legs pa'i 'byung gnas kyis gsan nam brtag de nas rtse gdong sprul pa'i sku rin po che/ mnga' ris pa bsod nams blo gros/ chos rje ting 'dzin rdo rje/ des bdag la stsal to/ /!/ /'dul ba lung las/ rgyal chen sde bzhi po mkha' lding sgra snyan dang sgra chung / klu dbugs dang dbugs chen du gyur pa na bzhi gas sangs rgyas 'od srungs la yon tan shes nas dad de bslab pa'i gzhi bzung nas de bzhin gshegs pa shAkya thub pa'i bstan pa la 'jig rten skyong bar smon lam btab pa'i mthu btsan pos bstan pa rin po che skyong ba la 'phags pa'i yul dang gangs ri'i ljongs 'dir yongs su grags shing mkhas grub mang pos chos skyong gi gtso bor mdzad pa'i rgyal po chen po rnam mang thos pa'i sras 'di nyid kyi gzi brjid ma bzod par lha min gyi dpung phyir log par brten/ lha rnams ngal bsos pas ngal bsos po dang / lha min gyis g.yul bshams pa'i tshe seng ge khros pa la zhon nas srungs pas gnas srung po