[A:31]dang mthun par rnal 'byor rgyud kyi bskyed chog ste/ bdag dam tshig sems dpar ye shes sems dpa' bcug nas slar yang gshegs su gsol bar 'dod pa'o/ /theg chen sems tsam pa dang dbu ma pa dag/ gzung ba med pas 'dzin pa med/ /ces gzung 'dzin gnyis su med par 'dod pa dang mthun par rnal 'byor bla na med pa'i rgyud kyi bskyed chog ste/ dam tshig sems dpa' dang ye shes sems dpa' dbyer med par bcings nas gshegs su gsol bar mi 'dod pa'o/ /des na bskyed chog mi 'dra ba bzhis rgyud sde bzhir gzhag pa ni/ ye shes rdo rje kun las btus pa'i rgyud kyi rjes su 'brang ba rnams kyis bzhed de/ gsum pa 'dod khams kyi gang zag bzhi rjes su gzung ba'i phyir bzhir nges pa ni/ gzhan 'phrul dbang byed pas bltas pas tshim pa dang / 'phrul dga' ba dag de'i steng du dgod pas tshim pa dang / dga' ldan dang 'thab bral ba de dag gi steng du lag pa 'khyud pas tshim pa dang / sum cu rtsa gsum pa dang rgyal chen ris bzhi pa dang mi la sogs pa rnams de'i steng du dbang po gnyis sbyor gyi chags pas tshim pa yin la/ de rnams rjes su gzung ba'i phyir yang rgyud sde bzhir nges te/ sampu Ta las/ dgod dang bltas dang lag bcangs dang / /gnyis gnyis 'khrig pa'i bye brag gis/ /srin bu'i tshul gyis rgyud bzhi yin/ /zhes so/ /bzhi pa bram ze la sogs pa'i mi'i rigs bzhi rjes su gzung ba'i phyir yang rgyud sde bzhir nges pa ni/ rdo rje sa 'og gi rgyud las/ bram ze rje'u rigs rgyal rigs dang / /dmangs