[A:32]rigs rjes su gzung ba'i phyir/ /rdo rje 'dzin pa nyid kyis ni/ /rgyud sde rnam pa bzhir bshad do/ /zhes so/ /yang gang zag sbyangs pa dman pa dang / phyi lus ngag gi bya ba khrus la sogs par dga' ba dang / 'bring phyi lus ngag gi bya ba dang / nang ting nge 'dzin gnyis ka la spyod pa dang / mchog ting nge 'dzin kho na gtso bor spyod pa dang / ches mchog tu gyur pa ting nge 'dzin gyi khyad par gong na med pa gtso bor spyod pa la dga' ba rnams kyi don du rgyud sde bzhir nges pa ni/ rdo rje gur las/ dman pa rnams la bya ba'i rgyud/ /bya min rnal 'byor de ltag la/ /sems can mchog la rnal 'byor mchog / rnal 'byor bla med de ltag la/ /zhes so/ /lnga pa rgyud sde bzhi po der smin byed kyi dbang bskur mi 'dra ba bzhi yod pas rgyud sde bzhir nges pa ni/ bya ba'i rgyud la sogs pa bzhi po rim par/ ye shes thig le las/ chu dang de bzhin cod paN dbang / /bya ba'i rgyud la rab tu grags/ /rdo rje dril bu de bzhin ming / /spyod pa'i rgyud la rab tu gsal/ /phyir mi ldog pa slob dpon dbang / /rnal 'byor rgyud las bshad pa yin/ /rnal 'byor ma yi rgyud du ni/ /gsang ba shes rab ye shes dang / /shes rab ye shes chen po'o/ /zhes snga ma snga ma'i steng phyi ma phyi ma rnams lhag par bstan pas kyang de ltar du nges pa'i phyir ro/ /drug pa lam gyi khyad par mi 'dra ba bzhi yod pas kyang rgyud sde bzhir nges pa ni/ bya ba'i rgyud la rje 'bangs kyi tshul gyis dngos grub sgrub pa ste/ dam tshig ye shes rje 'bangs te/ /rje khol nyid du nye bar gnas/ /zhes so/ /spyod pa'i rgyud la