[A:328]ni/ lngas rtsen dang 'phrog ma bu lnga brgya dang bcas pa dang / srin mo chen mo bzhi la sogs pa rnams ni ma byung ngo / /drug pa 'jig rten pa'i rigs ni/ lha dang lha ma yin la sogs pa rnams te/ de rnams kyang 'dir thos pa med do/ /rgyas pa'i rigs la bu tsha 'phen pa dang / /longs spyod 'phel ba lngas rtsen la sogs dang / /'jig rten lha dang lha min srog snying phul/ /ston pas byin brlabs bklags pas dngos grub ster/ /zhes dam pa'i chos thos pa'i yi ge don gnyer gdengs can rol pa'i chu gter las/ bya ba'i rgyud kyi chos skor thos pa'i brgyud rim rnams song nas/ rgyud sde gnyis pa spyod pa'i rgyud kyi chos skor thos pa'i brgyud rim la/ rnam par snang mdzad mngon par byang chub pa las bstan pa'i lha rigs ni 'dir ma byung la/ rigs kyi bdag po ni 'jam dpal la sogs pa ste/ 'dir paN chen thar rtse pa nam mkha' dpal bzang gis mdzad pa'i mngon dkyil dang mkhan chen sangs rgyas phun tshogs pas mdzad pa'i sgrub thabs dang dkyil 'khor gyi dbang gi brjed tho bklag chog yid kyi mun sel gyi steng nas/ rje btsun 'jam dbyangs a ra pa tsa na lha lnga'i ras bris kyi dkyil 'khor du dbang bskur ba legs par thob pa'i brgyud pa ni/ yang dag par rdzogs pa'i sangs rgyas shAkya thub pa/ gsang bdag phyag na rdo rje/ rgyal po rab gsal zla ba/ paNDi ta rab 'byor bskyangs/ slob dpon kun dga' snying po/ slob dpon shes rab bskyangs/ slob dpon zhi ba snying po/ dge mtshan bshes gnyen/ mkhas pa bde ba'i rdo rje/ shraddhA ka ra warma/ lo chen rin chen