[A:332]'dra/ yang na ratna wardha nas/ lha mchog seng ge sangs rgyas seng ge thar rtse paN chen man 'dra/ yang na sa paNDi ta nas/ tshogs sgom kun dga' dpal/ nyan chen bsod nams brtan pa/ bla ma bsod nams skyabs/ sngags 'chang gzungs kyi dpal ba/ rje dpal ldan tshul khrims man 'dra/ yang na ngor chen kun bzang / mkhas grub dpal ldan rdo rje/ mtshungs med ri khrod pa kun dga' mchog ldan/ rje dkon mchog lhun grub pa man 'dra/ yang na 'dren mchog dkon mchog 'phel ba/ rgyal ba lha mchog seng ge rje sangs rgyas seng ge paN chen man 'dra'o/ /'di'i sgrub thabs sa paN gyis mdzad pa dang / rjes gnang bya tshul rje btsun sangs rin gyis mdzad pa'i yi ge'i steng nas rjes su gnang ba'ang mkhan po chen po dpal ldan chos skyong las bdag gis tshar gcig mnos so/ /lus ngag spyod dang rtse gcig ting nge 'dzin/ /cha mnyam spyod pa la dga'i gdul bya'i ngor/ /legs par gsungs pa ma rig mun sel lha/ /'gro ba smin byed dbang dang rjes gnang gnyis/ /zhes dam pa'i chos thos pa'i yi ge don gnyer gdengs can rol pa'i chu gter las/ spyod pa'i rgyud kyi chos skor thos pa'i brgyud rim gyi sarga ste bcu gcig pa'o/ // /rgyud sde gsum pa rnal 'byor gyi rgyud la de nyid 'dus pa dang dpal mchog la sogs pa nas bstan pa'i yi dam gyi lha mang du mchis pa las/ 'dir ngan song thams cad yongs su sbyong ba gzi brjid kyi rgyal po'i brtag pa dang pos dngos bstan/ bstan bya'i gtso bo rgyal ba gnyis pa rje btsun kun dga' bzang po pas mdzad pa'i