[A:340]nam mkha' dpal bzang / byams pa kun dga' bkra shis/ mtshungs med nam mkha' sangs rgyas/ rje dam chos bsam 'grub/ mkhas grub sangs rgyas phun tshogs/ mkhan chen bsod nams dpal ldan nam/ sangs rgyas bstan pa gang yin blta/ de nas thar rtse mkhan chen nam mkha' bsam 'grub/ de nas mkhan chen thams cad mkhyen pa sangs rgyas dpal bzang / des bdag bande tshul khrims rin chen la bka' drin du stsal to/ /smras pa/ dam tshig sems dpa'i lha dang ye shes pa/ /zung 'jug mnyam sbyor ji srid phyag rgya bkrol/ /gang tshe ye shes 'byin pa rgyud sde yis/ /nges bstan lhag pa'i lha mchog bcu bzhi'o/ /zhes dam pa'i chos thos pa'i yi ge don gnyer gdengs can rol pa'i chu gter las/ rnal 'byor rgyud kyi chos skor thos pa'i brgyud rim gyi sarga ste bcu gnyis pa'o/ // /lnga pa bya ba'i rgyud shas che ba dang rgyud sde rin po che gong 'og ci rigs pa rnams nas lha dpa' bo gcig pa sogs sgrub thabs mang po gsungs pa rnams/ sangs rgyas gnyis pa klu sgrub zhabs kyis mtshon pa'i paN grub du mas sgrub thabs chung ngu mang du mdzad pa thor bu rnams paN grub tshad ldan gyis phyogs gcig tu bsdebs pa sgrub thabs bsdus pa zhes bya ba/ rgyas bsdus kyis bsdus pa min yang bya ba mang po phyogs gcig bsdus nas bsdebs pas de ltar grags shing / bla ma bai ro tsa na rakShi ta dang dha byang chub sems dpa' sogs las ba ri lo tsA bas sgrub thabs mi 'dra ba stong rtsa gsan pa'i nang nas zab cing thugs gtsigs che ba dgu bcu go drug phyogs gcig tu bsdebs pa'i