[A:36]la/ 'dir kha cig 'di snyam du/ de bzhin gshegs pas gsungs pa'i bka' lung ni/ ma 'dres pa/ yongs su rdzogs pa/ yongs su dag pa/ yongs su byang ba zhes yon tan bzhi ldan tshangs spyod ston pa'i mchog nyid du bzhugs bzhin par de la brten nas gang zag gzhan gyis bkral ba'i bstan bcos kyi tshogs chen po 'di dag ci zhig dgos she na/ bka' lung dam pa'i chos ni yon tan bzhi dang ldan pa brjod bya rjod byed phun sum tshogs pa'i bdag nyid can du bzhugs mod/ des brjod bya'i snying po sdom pa gsum po 'khor dang bcas pa'i thabs kyi khyad par thams cad gang zag gis nyams su len pa'i tshe/ gsung rab ma lus pa gdams par 'char ba zhig dgos pa la/ de dag lung rigs gdams ngag gi sgo nas bkral ba'i bstan bcos tshad ma mi bzhugs na nyams su lon thub pa med cing / theg pa gsum gyi rigs can du gtogs pa'i gdul bya so so'i dbang du gsungs pa'i bde bar gshegs pa'i gzhung lugs kyi rnam gzhag phal cher mi mthun te/ nyan thos dang theg chen gnyis po grub mtha' mi 'dra/ nang gses su'ang nyan thos rtsa ba'i sde pa bzhi las gyes pa bco brgyad po lta spyod phal cher 'gal bar snang ba dang / theg chen la'ang pha rol tu phyin pa dang / rdo rje theg pa gnyis phal cher mi 'dra/ pha rol tu phyin pa la'ang sems tsam dang dbu ma gnyis mi 'dra zhing / gsang sngags la'ang rgyud sde bzhi po so so'i rnam gzhag mi 'dra ba mang du yod pa rnams phan tshun 'gal ba ltar snang yang gang zag gzhug pa'i rim pa dang / yon tan skye ba'i rim pa dang / gang