[A:382]ngos 'dzin sogs lhag kha yar dang bcas pa bsnan pa'i rdo rje slob dpon gyi bya ba'i cho ga kri yA sa mutstsha zhes sgrub dkyil yan lag dang bcas pa don tshan drug cu rtsa bzhi'i sgo nas ston pa'i bstan bcos chen po zhig mdzad pa 'phags pa'i yul du dar rgyas shin tu che zhing / bod 'dir thog mar rgya dpe zhig bal po'i tshong pa'i lag nas dpal ldan bla ma dam pa'i gcen 'jam dbyangs don yod rgyal mtshan gyi phyag tu byung / de la brten nas kun spangs chos grags dpal bzang gis bdag rkyen mdzad nas bi ka mA la shI la'i paNDi ta chen po manydzu shrI dang sa bzang lo tsA ba blo gros rgyal mtshan gyis bsgyur kyang chos kyi rgyun med pa la/ mnga' ris pa rdo rje dpal gyis bal yul ye rang du kri yA sa mutstsha'i dbang zhus pa'i gtam thos pa'i rkyen gyis sa bzang 'phags pa gzhon nu blo gros kyis paNDi ta ma hA bo dhi las dbang lung rdzogs par gsan/ de nas phreng ba dang kri yA gnyis dbang gi chu bo gcig 'dres su gyur pa'i dkyil 'khor bzhi bcu rtsa lnga ras bris kyi dkyil 'khor du dbang bskur ba'i cho ga thar rtse paN chen nam mkha' dpal bzang gis mdzad pa'i rdo rje phreng ba'i sgrub dkyil sbrags pa rdor phreng mdzes rgyan gyi steng sta gon gsum sgrub mchod sogs dam pa'i phyag len 'khrul med dang dbang gi skabs kyang dkyil 'khor mang mar phreng ba'i steng du kri yA'i sgos chos kha yar bsnan pa'i phyag len rgyas pa/ dus 'khor lha grangs mangs pa'i dkyil 'khor sgrub mchod yun ring bar brten phreng rkyang gi phyag len bsdus shos 'khor lo bsgyur drug la kri yA'i sgos chos phra mo rnams kyang bsnan pa'i phyag len shin tu rgyas