[A:390]brgya dang lnga bcu/ rtsa ba'i bla ma bzhi/ 'gran gyi do med ye shes kyi DA ki ma rnam pa gnyis dang / grub thob kyi bla ma bcu gsum po rnams las smin grol gyi gdams pa mtha' yas pa gsan pa rnams bshad sgrub gnyis su 'dus/ de dag gi brgyud 'dzin bsam gyis mi khyab kyang / snga bu bzhi'am lnga/ phyi bu gcig rnams kyis bstan pa bzung ba las/ snga bu zhang sgom chos kyi seng ge dang / phyi bu mnyam med rin chen brtson 'grus gnyis kyis bstan pa bzung ba'i sgrub brgyud kyi gdams pa mkha' 'gro ma ni gu ma dang su ka siddhi gnyis kyi gdams pa zab cing rgya che bar bzhugs pa las/ dang po mkha' 'gro ma ni gu ma'i gdams pa thob pa'i skor la/ smin byed dbang dang byin rlabs kyi skor/ grol byed zab mo khrid kyi skor/ rgyab brten lung gi skor/ bka' srung ye shes kyi mgon po'i skor dang bzhi las/ dang po smin byed la/ chos drug spyi'i dbang khog phub/ rgyud sde lnga'i gtso bsdus kyi dbang ngam sgyu lus dbang mo che zhes bya ba ngo bo gcig la ming gi rnam grangs bzhi dang ldan pa'i dbang bskur gdams pa dang 'brel pa/ gdams ngag dbang bskur dang 'brel pas mtha' brgyan pa legs par thob pa'i brgyud pa ni/ yang dag par rdzogs pa'i sangs rgyas rdo rje 'chang / ye shes kyi mkha' 'gro ni gu ma/ mkhas grub khyung po rnal 'byor/ rmog tsog pa rin chen brtson 'grus/ dbon ston skyer sgang pa chos kyi seng ge gnyen ston sbas pa'i rnal 'byor/ 'gro mgon sangs rgyas ston pa/ mkhas grub gtsang ma shangs ston/ mus chen rgyal mtshan dpal bzang / bla ma rdo rje