[A:433]la'o/ /smras pa/ 'khon ston las brgyud rdo rje gzhon nu'i dbang / /bla ma drag sgrub 'chi med sgrub skor gnyis/ /yang gsang dbang dang chos skor rmugs 'dzin sogs/ /snga 'gyur gsang sngags thor bu'i thos tshul yin/ /zhes dam pa'i chos thos pa'i yi ge don gnyer gdengs can rol pa'i chu gter las/ gsang sngags snga 'gyur gyi chos skor thos pa'i brgyud rim gyis sarga ste bcu bzhi pa'o/ // /mkhas shing grub pa'i 'khor los sgyur ba rtsa gsum 'dus pa'i bdag nyid chen po mtsho las skyes pa'i rdo rje'i sgyu 'phrul drwa ba'i zlos gar/ rig 'dzin sprul pa'i sku gter bdag gling pa 'gyur med rdo rje'i zhabs kyis/ bka' dang zab gter gyi bstan pa'i chu gter chen po las/ mchog dang thun mong gi dngos grub thogs pa med par sgrub pa'i/ rtsa ba gsum gyi lhag pa'i lha'i 'khor lo'i rnam pa mtha' yas par 'byung ba rnams kyi sgrub pa'i thabs yongs su grags pa rnams don du gnyer ba dang po'i las can rnams la nye bar mkho ba'i phyir dang / shin tu dkon pa 'ga' zhig ni rgyun mi chad par bya ba'i phyir dang / phyi 'gyur gyi sgrub thabs 'ga' zhig kyang nyer mkho'i dbang du byas nas phyogs gcig tu bsdebs pa sgrub thabs 'dod 'jo'i bum bzang zhes bya ba nas 'byung ba'i lha tshogs rnams kyi dbang bskur byin rlabs rjes gnang rig gtad/ bzlas lung la sogs pa'i bka' srol ma nyams par bzhugs pa'i cho ga'i rnam grangs tha dad pa'i tshul can ji snyed cig bzhugs pa rnams legs par thob pa'i rnam grangs la/ !thog mar bla ma zhi ba'i