[A:479]ma/ chos sku 'od zer man 'dra/ yang brgyud lugs gcig la/ rje sangs rgyas rin chen nas/ dkon mchog rin chen/ dkon mchog rgya mtsho/ bsod nams lhun grub/ mkhan chen ngag dbang chos grags/ byams pa ngag dbang rnam rgyal/ dpal sa skya pa ngag dbang kun dga' bkra shis/ mkhas grub sangs rgyas phun tshogs man 'dra'o/ /des na sngon gyi dus su lugs srol so sor yod par snang yang / kun mkhyen bu ston sogs bla ma phyi ma rnams kyi dbang bka' thams cad gsan nas/ byin rlabs kyi chu bo kun 'dus phyag len kyang snying po dril ba ste bka' drin che 'dug go/ dbang gi mtshams sbyor sngags 'chang chen pos mdzad pa'i yi ge'i steng nas mnos so/ /!/ thams cad mkhyen pa bu ston rin po cher chos rje bla ma dam pa'i gsung gis bskul nas mdzad pa'i khrid yig yid bzhin nor bu rin po che'i za ma tog dang / 'jam dbyangs mkhyen brtse'i dbang phyug gis mdzad pa'i yid bzhin nor bu'i za ma tog kha 'byed pa'i lde mig ma bu sbyar ba'i steng nas pha rgyud bla na med pa'i snying po las kyang ches snying por gyur pa dpal gsang ba 'dus pa rtsa ba'i rgyud dang bshad pa'i rgyud thun mong ma yin pa bzhis gsal bar byas pa'i don rgyal ba gnyis pa klu sgrub zhabs kyis thugs nyams su bzhes nas tai lo nA ro sogs paN grub las nye bar 'ongs pa'i zab pa las kyang ches zab pa'i gsang ba 'dus pa'i rdzogs rim rim pa lnga'i dmar khrid zab mo nyams khrid du legs par thob pa'i brgyud pa ni/
'di sngar ma thob kyang thob 'gyur gyis bris/
yang