[A:46]zag la ltos nas gnyen po la ldem por dgongs pa yin yang / de la gang zag 'gas dgongs gzhi btsal na chos sku mnyam pa nyid dgongs gzhi yin pa'i ldog pa nas mnyam pa nyid la dgongs par gzhag go/ gnyis pa ni/ ngo bo nyid med pa gsum la dgongs nas chos thams cad ngo bo nyid med par gsungs pa ni/ sgra ji bzhin par go yang kun brtags yod par sgro 'dogs sel ba'i ldog pa nas mtshan nyid la ldem por dgongs pa yin yang / de'i ldog pa btang snyoms su byas nas gang zag kha cig gis dgongs gzhi ngo bo nyid med pa gsum rnyed nas btsal na don gzhan la dgongs pa yin no/ /gsum pa ni/ gang zag kha cig le lo'i dbang du gyur pa des brgyud pa'i rgyu byas nas ring mo zhig nas bde ba can du skye ba dgongs gzhir byas te/ de bzhin gshegs pas bde ba can du smon lam 'debs pa de bde ba can du skye bar 'gyur ro zhes gsungs te/ sgra ji bzhin du go bas le lo las ldog pa la ltos nas gsungs te/ gnyen po la ldem por dgongs pa yin yang de'i ldog pa btang snyoms su byas te gang zag 'ga' zhig gis dus nam zhig skye bar 'gyur ba la dgongs pa'i dgongs gzhi rnyed pa de'i bsam pas btsal na/ de dus gzhan la dgongs pa yin pas dus gzhan la dgongs par brjod do/ /bzhi pa ni/ gang zag 'ga' zhig tshul khrims kyis chog par 'dzin pa na/ de tshul khrims 'ba' zhig la gnas pa dman la/ sbyin pa la gnas pa mchog yin pa la dgongs te sbyin pa'i bsngags pa brjod la tshul khrims smad do/ /de ltar go nas tshul khrims kyis chog par 'dzin