[A:50]bcos me long lta bu dang / de dag skad rigs dang sbyar nas ston pa zlos gar gyi bstan bcos glu kun tu dga' ba dang / 'jig rten kun tu dga' ba la sogs pa lta bu'o/ /gnyis pa ni/ brjod bya gtan la 'bebs par byed pa gtan tshigs rig pa'i bstan bcos tshad ma'i mdo dang / de'i dgongs 'grel sde bdun lta bu ste/ de'ang rnam 'grel/ rnam nges/ rigs thig ste lus lta bu'i bstan bcos gsum/ gtan tshigs thig pa/ 'brel pa brtag pa/ rgyud gzhan grub pa/ rtsod pa'i rig pa ste yan lag bzhi rnams so/ /gzhan rjes su 'dzin pa bzo dang gso ba'i bstan bcos gnyis las/ dang po ni/ gser 'gyur dang spos sbyor ston pa lta bu phal pa dang / sku gsung thugs rten gyi cha tshad ston pa lta bu khyad par ba'o/ /gnyis pa ni/ sman gyi gzhung yan lag brgyad pa lta bu ste/ de'ang ji skad du/ lus dang byis pa gdon lus stod/ /mtshon dang mche ba rgas ro tsa/ /gso dpyad gang la gnas pa ni/ /yan lag brgyad du de bshad do/ /zhes brjod bya don tshan brgyad du btus nas ston pa'o/ /gnyis pa bka' so so'i dgongs 'grel la/ kun shes par byed pa nang don rig pa ste/ de la bka' dang po'i dgongs 'grel dang / bar pa'i dgongs 'grel dang / tha ma'i dgongs 'grel gsum/ dang po'i lta ba'i cha gtso bor ston pa'i bstan bcos la/ mngon pa sde bdun gyi don bsdus pa bye brag tu bshad mdzod chen po dang / de'i don bsdus pa mngon pa mdzod lta bu dang / spyod pa'i cha ston pa lung sde bzhi char gyi dgongs pa 'grel pa'i bstan bcos 'dul ba mdo rtsa la