[A:53]rnams so/ /gnyis pa 'bras bu rdo rje theg pa'i dgongs 'grel gyi bstan bcos la gnyis/ rgyud 'grel tshul gyi gdams ngag bstan pa/ de ltar bkral ba'i rgyud 'grel gyi bstan bcos so/ /dang po la spyir rgyud sde rin po che 'grel pa'am/ bshad pa'i tshul mang du yod na'ang phal cher gdams ngag drug dang / rgyud gsum dang / bdag nyid can gsum dang / gnas pa bzhi dang / dag pa gsum dang / gsang ba bdun te drug po der 'du bar dran pa'i dbang po rnams bzhed do/ /de'i dang po ni/ 'grel pa pos 'grel bar sla ba dang / dpyod ldan rnams kyis rtogs par sla ba'i phyir gdams ngag drug gi sgo nas bshad de/ drug ni spyi'i don du bshad pa/ sbas pa'i don du bshad pa/ mthar thug pa'i don du bshad pa ste gsum dang / de rjod par byed pa'i sgra ni yan lag gi don gyis bshad pa/ yi ge'i don gyis bshad pa/ man ngag gi don gyis bshad pa dang gsum ste/ dpal nam mkha' dang mnyam pa'i rgyud las/ yi ge dang ni yan lag dang / /bsdus pa'i don dang spyi yi don/ /sbas dang de bzhin mthar thug par/ /rgyud rnams nges pa kho na yin/ /zhes gsungs pa ltar ro/ /dang po spyi'i don la pha rol tu phyin pa dang spyi'i don du bshad pa ni byang chub phyogs kyi chos la sogs pa de dag mthun par bya ba dang / bskyed pa'i rim pa spyi ni mchog dang thun mong gi dngos grub gnyis ka bsgrub pa la dgos pa'i phyir ro/ /sbas pa la rang byin rlabs kyi sbas pa dang / dkyil 'khor 'khor lo'i sbas pa gnyis so/ /mthar thug pa ni sangs rgyas kyi sa