[A:54]ste/ de la'ang gnyis/ spyi'i don gyi mthar thug pa ni theg pa thun mong ba la grags pa sa bcu gcig dang / sbas don gyi mthar thug pa ni gsang sngags pa la grags pa'i sa bcu gnyis pa dang bcu gsum pa'o/ /des na brjod bya'i don gsum la phye na drug tu 'gyur ro/ /de re re la'ang rjod par byed pa'i sgra ni gsum ste yan lag gi don gyis bshad pa/ yi ge'i don gyis bshad pa/ man ngag gi don gyis bshad pa ste tshul de dag gis rgyud don bshad pas mtha' drug tu 'gyur ba yin te/ rje btsun ngor chen thams cad mkhyen pas/ spyi sbas mthar thug rim bzhin yan lag gi/ don gyis bshad pa ji bzhin sgra dang ni/ /nges pa'i don dang dgongs min bshad pa ste/ /de gsum yi ge man ngag gis bshad na/ /rim bzhin ji bzhin sgra min drang don dang / /dgongs pa'i bshad bya zhes bya mtha' drug dang / /zhes pa ltar te/ de'ang brjod bya spyi'i don gnyis su yan lag gi don gyi tshig ji ltar byung ba ltar bshad pa ni sgra ji bzhin pa'i bshad pa zhes bya'o/ /brjod bya spyi'i don gnyis su yi ge dang man ngag gi don gyis bshad pa ni ji bzhin ma yin pa'i bshad pa zhes bya'o/ /brjod bya sbas pa'i don du yan lag gi don gyis bshad pa ni nges pa'i don gyi bshad pa zhes bya'o/ /brjod bya sbas don du yi ge dang man ngag gi don gyis bshad pa ni drang ba'i don gyi bshad pa zhes bya'o/ /brjod bya mthar thug tu yan lag gi don gyis bshad pa ni dgongs min gyi bshad pa zhes bya'o/ /mthar thug tu yi ge dang man ngag gi don gyis bshad pa ni dgongs pa can gyi bshad pa zhes bya ste/ 'di dag ni 'jigs bral