[A:571]pa'i mnga' bdag rje btsun sa skya pa yab sras la dpal kye rdo rje'i bka' srol mi 'dra ba chen po bzhi babs pa la/ dpal kye rdo rje'i chos skor 'di rnams/ rnal 'byor ma rgyud kye rdo rje/ /zhes pa'i dgongs don ltar ma rgyud du bkral ba dang / thabs dang shes rab gnyis med rgyud/ /ces pa'i dgongs don gnyis med du bkral ba'i lugs gnyis las ngor chen rdo rje 'chang chen po gnyis char 'gal med du bzhed pas 'dir byang chub sems dpa' rdo rje snying pos/ rnal 'byor thabs kyis ma yin zhing / /rnal 'byor shes rab gcig pus min/ /thabs dang shes rab gnyis med pa'i/ /dges rdor 'di ni phyogs gcig min/ /zhes bya ba la sogs pa rgyu mtshan du ma'i sgo nas thabs dang shes rab gnyis su med pa'i rgyud du bzhed pa'i nang nas man ngag lugs ni 'og gser chos skabs su 'byung zhing / 'dir rnal 'byor dbang phyug birWa pa dang / ye shes kyi mkha' 'gro ma gnyis kyis dngos su byin gyis brlabs pa'i grub pa'i slob dpon chen po Dombi he ru ka'i zhal snga nas legs par bkral ba'i dpal kye rdo rje 'grel pa lugs sam/ Dombi lugs su grags pa lha dgu'i ras bris kyi dkyil 'khor chen por thams cad mkhyen pa dkon mchog lhun grub kyis mdzad pa'i sgrub dkyil Dombi mdzes rgyan gyi steng nas dbang bzhi rdzogs par thob pa'i brgyud pa ni/ yang dag par rdzogs pa'i sangs rgyas rdo rje 'chang / rje btsun rdo rje bdag med ma/ rnal 'byor gyi dbang phyug bi rU pa/ grub pa'i slob dpon Dombi he ru kaa la la badzra/ nags khrod pa/ garbha ri