[A:581]de nyid dang nag tsho lo tsA ba tshul khrims rgyal bas bsgyur ba/ kye rdo rje phyag bcu drug pa dpa' bo gcig pa'i sgrub thabs nag po zhabs kyis mdzad pa paNDi ta de nyid dang 'gos los bsgyur ba/ bdag med ma'i sgrub thabs mdzad pa dang 'gyur gong 'dra/ bar 'dir tshogs 'khor gyi cho ga 'gos 'gyur dang phyag gnyis pa dpa' gcig tshul khrims grags kyi 'gyur zer ba gnyis sangs rgyas bstan pa'i gsan yig tu 'dug kyang dpe ma 'byor bas lung ma byung / rmor chen pa'i gsan yig na'ang mi 'dug pas ma dgos pa yin nam brtag sbyin sreg gi cho ga mdzad pa dang 'gyur gong 'dra/ rab gnas kyi cho ga mdzad pa dang 'gyur gong 'dra/ gshin gyi cho ga nag po zhabs kyis mdzad pa paNDi ta rgyal ba'i gnyen dang thar lo nyi ma rgyal mtshan gyis dben gnas thar pa gling du bsgyur ba/ ro sreg gi cho ga dang mchod rten gyi cho ga nyi ma rgyal mtshan gyis bsgyur ba ste gzhung de rnams dam tshig rdo rje'i slob ma nag po shAnta bha dras mdzad pa rnams so/ /dka' 'grel
'di lung ma byung /
rnal 'byor rin po che sbyor ba'i phreng ba nag po zhabs kyis mdzad pa paNDi ta de nyid dang 'gos khug pa lhas btsas kyis bsgyur ba rnams te/ de ltar gtso che ba'i chos sna so dgur grags pa'i lung thob pa'i brgyud pa ni/ rdo rje 'chang yan chad gsan yig rgya mtsho ltar dang / de nas rdo rje 'chang kun dga' bzang po/ mus chen dkon mchog rgyal mtshan/ rgyal tshab kun dga' dbang phyug mkhas grub dpal ldan rdo rje/ de gnyis kas rjes su bzung ba 'dren mchog dkon mchog 'phel ba/ chos rje dge legs bshes gnyen/ rje shes rab rgyal