[A:590]sangs rgyas phun tshogs/ gtsang gsar chos rje/ gter dbon bsod nams lhun grub/ des bdag tshul khrims rin chen la'o/ /smras pa/ rtsa bshad rgyud kyis nyer bstan kye rdo rje/ /bka' babs rnam gsum gur dang kha sbyor dbang / /shes rab pha rol phyin ma mgon rkyang bcas/ /kun 'khyil la sogs bkas gnang skal ba sbom/ /zhes dam pa'i chos thos pa'i yi ge don gnyer gdengs can rol pa'i chu gter las/ thabs shes gnyis med dgyes pa rdo rje'i rgyud gsum gyi chos skor thos pa'i brgyud rim gyi sarga ste bcu dgu pa'o/ // /gnyis su med pa'i rgyud kyi rgyal po dang po'i sangs rgyas dpal dus kyi 'khor lo'i skor la/ rdzogs pa'i sangs rgyas nyi ma'i gnyen nyid shing pho rta'i lo sa gas nya ba'i tshes la zag pa med pa'i bdud rtsi mchog brnyes pa'i go 'phang bla na med pa mngon du mdzad nas bgrang gzhi bzhi bcu rtsa drug 'das pa lcags 'brug nag pa'i zla bar shrI dha nya ka Ta ka'i mchod rten gyi nang gi steng du dpal ldan rgyu skar gyi dkyil 'khor spros te sprul pa'i chos rgyal zla ba bzang po la sogs pa skal ldan gyi gdul bya rnams smin par mdzad/ de'i phyi lo chos rgyal zla ba bzang pos dus 'khor rtsa ba'i rgyud bsdus/ byang phyogs sham bha lar chos rgyal drug dang rigs ldan bcu bdun 'das shing rigs ldan rnam gnon gdong lnga'i dbang pos sgeg pa'i chos kyi khrir phebs shing / dam pa'i chos bstan nas lo sum cu rtsa lnga pa/ me mkha' rgya mtsho la 'das lo drug cu skor bdun dang nyag ma lnga bcur slebs pa/ rab byung bcu gsum pa'i khyu mchog co zhes pa'i gnam lo shar