[A:630]dpyad/ lus thabs rgyud la dbang bzhi dang 'brel ba'i lam gyi thog mar bum dbang dang 'brel ba phyi bskyed pa'i rim pa sems 'dzin dang bcas pa gsal snang ma mthong bar bsgom blor byas/ de dag gi skabs su rdo rje 'chang kun dga' bzang pos mdzad pa'i kye rdor sgrub thabs kyi rgya cher bshad pa bskyed rim gnad kyi zla zer/ kun mkhyen bsod nams seng ge sa mdzad pa'i kye rdo rje man ngag lugs kyi rnam par bshad pa dang bsnyen pa bya tshul dang / bsnyen pa'i kha skong gi sbyin sreg rnams kyis rang gzhan gyi don gang sgrub kyang phyin ci ma log par shes pa'i rdo rje slob dpon du bsgrubs nas/ phyi rol du zhen pa'i gdon gyi gnyen por nang rdo rje slob dpon chen po'i don dam zab mo lus kyi dkyil 'khor du shar chen byams pa kun dga' bkra shis kyis mdzad pa'i yi ge'i steng nas lam dus kyi dbang gi chu bo ma nub pa bskur ba yi ge brgya pa'i bzlas lung bcas pa stsal nas/ kun mkhyen bsod nams seng ge sa mdzad pa'i lus dkyil gyi rnam par bshad pa bde chen bcud kyi snying po dang / kye rdo rje'i mngon par rtogs pa lam dus kyi dbang dang bcas pa'i rnam par bshad pa bklags pas kun shes kyi lung yang stsal zhing / de nas khrid gzhung ltar nang bskyed pa'i rim pa bsgom bya'i don la thos bsam gyis sgro 'dogs dpyad de dpyad don nyams su len pa bskyed rim sems 'dzin gyi nyams khrid la lam dang / lta ba dang / grub mtha' dang / 'da' ka ma dang / zhar byung bar do dang / 'bras bu ste don tshan drug ldan du stsal/ gsang dbang gi lam bdag byin gyis brlabs pa khams 'dus pa