[A:659]mchog rgya mtsho rje dkon mchog dpal ldan gsum las 'jam dbyangs bsod nams dbang pos gsan/ de las 'jam dbyangs kun dga' bsod nams lhun grub kyis gsan pa man sngar bzhin no/ /yang na mus chen dkon mchog rgya mtsho/ mus chen sangs rgyas rgyal mtshan/ sngags 'chang kun dga' bsod nams/ mkhan chen bsod nams rgya mtsho/ rje nam mkha' dpal bzang man sngar bzhin no/ /yang nye brgyud ni/ brtse ba chen po mnga' ris gung thang du bzhugs skabs dug byung ba'i ro ma g.yas ru'i grong chu dgon par bzhugs dus longs pa'i skyon gyis chos rnams mnyel bas 'jam dbyangs phug tu sku mtshams bsdams te gsol ba btab pas/ zhang dgon pa ba mnal lam dang dngos su byon nas gdams pa rnams gsungs/ de rjes rnal 'byor gyi dbang phyug chos 'khor gyi phyag rgya can sa skya'i 'bal grog mon grog gi bar skyil krung gcig gis khebs pa gtso 'khor lnga pa zhig zhal gzigs/ de nas dbu rtse rnying mar zla ba gcig gi bar du mngon sum du bzhugs nas gsung ngag rin po che dang lcags ri mi 'da' ba'i gser chos bzhi dang rgyud sde bdun bcu rtsa gnyis la sogs pa gsungs te/ de'i brgyud pa ni/ yang dag par rdzogs pa'i sangs rgyas rdo rje 'chang / rje btsun rdo rje bdag med ma/ rnal 'byor dbang phyug birWa pa/ bla ma sa skya pa chen po kun dga' snying po man gong bzhin no/ /de rnams ni gsung ngag gi brgyud pa gtso che ba'i rnam grangs yin la/ rgyu dbang rkyang pa thob pa'i brgyud pa'i rnam grangs la/ chos kyi rgyal po