[A:69]gi de dag bsdoms pas dbyangs la brgya so gnyis/ gsal byed la sum cu so gsum yod pa las/ ka gcig pu la yang dbyangs brgya sum cu so gnyis bzhugs te/ bsdoms pa gsal byed bzhi stong sum brgya nga drug yod do/ /bod kyi yi ge'i dbye bsdu la/ sa skya paNDi tas/ dbyangs dang gsal byed gnyis ka'i rtsa ba a'o/ /de las dbyangs rnams 'byung ba na i u gnyis 'byung / de dag sbyar ba las e o r-i l-i bzhi 'byung bas bdun no/ /yang de las gsal byed rnams 'byung ba na/ a las ka tsa Ta ta pa ha ste drug 'byung bas rtsa ba'i phyi mo bcu gsum mo/ /rtsa ba de dag las dbyangs bcu drug dang gsal byed kyi gtso bo bco brgyad 'byung ba'i tshul ni dbyangs thung ngu bdun las ring po bdun 'byung bas bcu bzhi/ sna ldan nam nga ro dang rnam par gcad pa gnyis 'grub pas bcu drug go/ gsal byed drug po'i steng du i las ya dang / u las wa/ r-i l-i las ra dang la/ aHtsheg drag can las sha Sha sa/ aM nga ro can dang mthun pa nga nya Na na ma lnga'o/ /de dag las gsal byed kyi nying lag sum cu rtsa gsum 'byung ba'i tshul ni/ kha la sogs pa gnyis pa rnams ni ka la sogs pa dang po rnams dang khong nas 'byung ba'i sgra sbyar ba'am/ ga la sogs pa gsum pa rnams ni ka la sogs pa dang po rnams dang a'i sgra sbyar ba'o/ /gha la sogs pa bzhi pa rnams ni ga la sogs pa gsum pa rnams dang ha'i sgra sbyar ba'o/ /de dag phan tshun sbyar ba las lo 'dab dang 'dra ba'i yi ge du mar 'gyur ba yin no/ /slob dpon bsod nams rtse