[A:690]ka las jo bo a mo gha badzras gsan/ de las bla chen 'brog mis gsan pa man gong ltar ro/ /dpal mgon 'phags pa klu sgrub kyis gsang ba 'dus pa la brten nas byang chub sems 'grel mdzad/ de nyams su len pa la mchod rten gyi drung du sems thag bcad pa'i gdams pa'i gsal byed rje btsun chen po grags pas mdzad pa'i brgyud pa ni/ rdo rje 'chang / phyag na rdo rje/ bram ze sa ra ha/ 'phags pa klu sgrub/ slob dpon ArYa de wa/ dge slong nag po'i zhabs/ slob dpon tsandra kIrti/ rdo rje gdan pa dang thar rtse pa'i gsan yig na zla ba grags pa zhes bsgyur/ bram ze dpal 'dzin/ dpa' bo rdo rje/
gong dkar ba'i gsan yig na ga ya dha ra zer ba 'dug pa bla chen gyis rgya gar du dpa' bo rdo rje dang bod du ga ya dha ra las gsan pa'i khungs mdzad 'dug
'brog mi man gong bzhin no/ /slob dpon nag po spyod pas sampu Ta dang sdom 'byung la sogs pa bde mchog gi rgyud la brten nas nag po pa'i chos drug mdzad/ de dag gi nang nas o la pa ti mngon par rtogs pa'i sdom gyi nyams len gsal byed rje btsun chen po grags pas mdzad pa'i gtum mo lam rdzogs kyi brgyud pa ni/ yang dag par rdzogs pa'i sangs rgyas rdo rje 'chang / rdo rje rnal 'byor ma/ rdo rje dril bu pa/ kurmmA pA da/ thar rtse pa'i der rus sbal zhabs su bsgyur/
dza landha ra/ rdo rje gdan pa'i der 'dis rdo rje rnal 'byor mar gsan zhes snang /
kahna pa/ thar rtse ba'i der nag po spyod pa ro la zhon pa zhes byung /
bram ze dpal 'dzin/ paNDi ta ga ya dha ra/ 'brog mi lo tsA ba man gong dang 'dra'o/ /slob dpon u tsi ta 'chi ba med pas dpyid kyi thig le'i rtsa ba'i sdom nyams su len pa la yon po bsrang ba