[A:70]mos/ bod kyi yi ge sum cu bdun/ /sgra yi pha ma sum cur 'dus/ /srog rkyen yan lag yi ge bdun/ /de dag a yi khongs su 'du/ /zhes yi ge sum cu po de yang bsdu na dbyangs a dang gsal byed nyer dgu po sgra'i pha ma gnyis su 'du zhing / yongs su grags pa'i a ni rang nyid kyis brjod bya rjod byed du rung bas gzhan gyi grogs mi dgos pa'i phyir seng ge lta bu'i a zhes bya'o/ /de'i dbye ba tshig dang kyog dang shad dang yan lag i u e o bzhi ste/ bdun po ji ltar bsdu zhe na/ a'i dbye ba brgyad las/ dang po tsheg nyid srog gi a de'i ngo bo yin no/ /de rgya gar la don gyis ston pas mi dgos kyang bod kyi yi ge'i bar du gsal bar byed pa ste/ de nyid las/ rang nyid brjod par mi nus te/ /thig le chen po yi ge med/ /yi ge kun la 'jug pa'i phyir/ /thig le stong pa yi ge brgya/ /de nyid bod kyis gsal bar byed/ /ces gsungs pas ngag tu brjod pa med kyang bar gyi sa mtshams gsal bar byed pa la de nyid rag las pa'i phyir/ de bzhin du dang por 'jug pa'i dang kyog dang tha mar 'jug pa'i shad gnyis ni rkyen gyi yi ge ste/ de'ang dang po ni glang po'i sna lta bu'i a dang / phyi ma ni rnam par gcod pa'i a zhes bya'o/ /i u e o bzhi ni ka la sogs pa'i lus rnams kyi yan lag tu 'gyur ba'i phyir yan lag gi yi ge zhes tha snyad du byas pa'o/ /drug pa rgyu brjod pa la/ slob dpon tsandra go mis/ gnas dang byed pa dang rtsol ba rnams las yi ge rnams skye'o zhes dang / slob dpon bsod nams rtse mos/ khog pa mgrin pa rkan dang lce/ /sna