[A:74]ltar chos kyi snod min te/ chos bcu pa'i mdo las/ dad pa med pa'i mi rnams la/ /dkar po'i chos rnams mi skye ste/ /sa bon me yis tshig pa la/ /myu gu sngon mo ji bzhin no/ /zhes gsungs pas so/ /dad pa de'ang ji lta bu zhig la bya snyam pa/ chos mngon pa las/ dad pa gang zhe na/ las dang 'bras bu dang bden pa dang dkon mchog la mngon par yid ches pa dang 'dod pa dang sems dang ba'o zhes gsungs pa ltar ro/ /des na chos mnyan pa la dad pa nyid gtso che ste/ dkon mchog ta la'i gzungs las/ dad pa sngon 'gro ma ltar bskyed pa ste/ /yon tan thams cad 'byung zhing 'phel bar byed/ /dogs pa sel zhing chu bo rnams las sgrol/ /dad pa bde ba'i grong khyer mtshon par byed/ /dad pa rnyog pa med cing sems dang byed/ /nga rgyal spong zhing gus pa'i rtsa ba yin/ /dad pa nor dang gter dang rkang pa'i mchog / lag pa bzhin du dge sdud rtsa ba yin/ /zhes gsungs so/ /de'ang chos smra ba la gus pa bya ba'i tshul yang / 'dul ba las/ lhan cig gnas pa dang nye gnas kyis mkhan po dang slob dpon la ston pa'i 'du shes bskyed par bya'o zhes gsungs shing / pha rol tu phyin pa'i gzhung lugs las/ bla ma la sangs rgyas lta bur blta bar gsungs te/ 'jam dpal rnam par 'phrul pa'i mdo las/ 'jam dpal de lta bas na byang chub sems dpa' de bzhin gshegs pa la ji ltar gus par bya ba de bzhin du/ dge ba'i bshes gnyen rnams la'ang bsten par bya'o zhes gsungs kyi/ der sangs rgyas dngos su blta bar gsungs pa med la/ gsang sngags