[A:104]gis mchog dang thun mong gi dngos grub bsgrub pa'i sgo nas rdo rje theg pa'i bstan pa dang sems can gyi khams la phan par bsgrub pa'i bsam pa dang / bla ma dang chos la ci yang mi bsam par/ chos skyong gnyan pa dang gdams pa zab pa'i grags pa tsam la brten nas chos ci thob tu byed kyin 'ongs pa'i slob ma chu shing gi rnam par thar pa 'chang ba'i rigs can la mi smra ba'i brtul zhugs 'chang ba'i zhal gdams su gda'o/ /!/ /gnyis pa rgyab brten lung dang 'brel pa'i sgo nas sgro 'dogs gcod pa la/ rtsa ba'i yi ge bdag chen rdo rje 'chang chen pos dkar chag bsgrigs par mdzad pa'i mgon pod me 'bar ma'i skor/ der ma 'dus pa'i yan lag gi yi ge'i skor dang gnyis/ dang po ni/ bdag chen rdo rje 'chang gis lcam dral gyi chos skor gsan pa'i yi ge phal cher glegs bam du bsgrigs par mdzad pa dus re zhig na nyang stod rgyal mkhar rtse nas sa skyar spyan drangs tshe chom pos khyer bar glo bur du me 'bar zhing sgra chen po sgrog pa dang 'phar ba la sogs byung bas de nas bzung ste bu yig rnams la'ang me 'bar mar grags pa'i chos sde 'di la/ phyi nang gsang ba thun mong ma yin pa'i skor dang gsum/ dang po la/ yid ches bskyed pa lo rgyus/ snod ldan du bsgrub pa rjes gnang / gang las byung ba'i gzhi'i rgyud/ rtsa ba'i sgrub yig de dag la mkho ba'i las tshogs lhan thabs dang lnga/ dang po la/ rdo rje gdan gyi ka ba nas rgyal rigs padma badzra zhes bya bas spyan (mchod rten)(e)(mu)drangs pa'i mgon po 'di nyid gter nas 'byung ba'i lo rgyus/ bka' ma'i lo