[A:103]rdzogs pa'i rim pa rdo rje'i lus kyi gnad shes pa la brten nas rang sems gsal stong zung 'jug gi mgon po mngon du bya ba'i nye lam rtsa gsum 'khor lo lnga la brten nas bsnyen pa'i dmigs rim/ 'khor lo lnga ldan dang rdo rje'i bzlas pa'i sgo nas bsgrub pa'am rbad pa/ las sbyor thun mong ba bstan pa'i spyi dgra dang rnal 'byor sgos dgra bsgral ba/ thun mong ma yin pa'i 'khor lo lnga ldan gyi khrid dang bcas pa nyams myong yid ches su legs par nos so/ /de yang zab lam 'di la brten nas gnas skabs kyi dngos grub tu ma zad mchog gi dngos grub kyang bde blag tu bsgrub nus pas/ mkhyen brtse'i zhabs kyis/ zab las ches zab gsang chen snying po'i bcud/ /dkon las ches dkon yid bzhin rin chen dbang / /mchog las ches mchog snyan brgyud gdams pa 'di/ /sa skya'i rje btsun thugs kyi nying khu yin/ /'di 'dra rtse gcig bsgoms na lta ci smos/ /thos pa tsam gyis snang srid 'khor 'das chos/ /kun gyi rang mtshang rjen par ston pa'i phyir/ /zab par rlom pa gzhan gyis do zla min/ /zhes bsngags brjod mdzad pa ni bla ma dang gdams ngag la sngon med pa'i mos gus gzhon nu'i dga' bas thugs gting nas tshim zhing shin tu rangs pa'i gsung du mngon zhing / dpe 'di rang gi bstan pa 'dzin nges las/ /gzhan gyi rna bar ming tsam mi bsgrag cing / /snying nas dad kyang bstan pa mi zin na/ /chos rgyun shod la dpe rgyun sba bar byos/ /zhes gsungs pa shin tu snying la bcang bya'i bslab par snang ste deng gi dus 'dir la la dag