[A:132]bcu ru/ /nges so skal ldan snying la chongs/ /zhes gsungs pa'i don de ltar du nges kyang gcig ma tshang ba ni gtor ma'i yi ge gnyis so sor bgrang ba yin nam snyam/ dkar chag tu/ de ni zhar las 'ongs pa 'khor lo'i dpe ris rnams zhes gsungs pa la rags rim tsam las mi gsal zhing / rdo rje 'chang tshar pa chos rjes gdung brgyud kho na las chig brgyud du byon pa/ yar klungs pa/ bar sdings pa ste brgyud pa gsum gyi dpe ris rnams tshang zhing lhad ma zhugs pa bdag chen rdo rje 'chang gi phyag bris dngos la 'bru len mdzad pa dang / der ma tshang ba rnams yab 'jam dbyangs chos rje'i phyag bris dngos las bshu bar mdzad pa rnams phyogs gcig tu bsgrigs pa gnang ba ltar bkod pa la/ mgon po dang lha mo'i srog 'khor 'dra min bzhi/ nag po chen po srog gi spu gri'i sgrub thabs mchog sred kyi gzhung las gsungs pa'i sgrub pa'i bca' gzhi/ chings chen drug dang 'khor lo'i bri yig nas gsungs pa'i byad ma rang gshed dbab pa'i 'khor lo'am bsrung zlog sbrags ma'i 'khor lo/ pho rkyang du sgrub pa'i shom/ pho rkyang mu stegs pa ltar sgrub pa'i shom/ pho rkyang gi skabs zan ling gi snying gar 'jug pa'i 'khor lo/ las mgon gyi bla rdo'i 'khor lo/ pho rkyang tshogs bdag ltar sgrub pa'i shom/ mnyan phul byung bas mdzad pa'i pho rkyang gi sgrub pa'i las khung dang thab khung / gsang ba yid bzhin nor bu'i mgon khang sogs la dgos pa lha brgyad bskyed pa rten gyi dkyil 'khor/ gsang ba yid bzhin nor bu'i bsad pa'i las khung / drung chos rje pa'i bzhed pa'i las