[A:131]'byor dbang phyug yar klungs pa sengge rgyal mtshan gyis lag khrid du bstan pa'i dus yi ge ra gsal por bris zhes bskul ba la brten nas rdzogs rim zhal shes dang bcas pa (mchod rten)(rdo rje)snyan nas snyan du brgyud pa'i bsnyen sgrub thun mong ma yin pa'i man ngag chu pho khyi lo hor zla dang por dpal sne'u gdong rtse'i gtsug lag khang du mdzad pa rnams so/ /rtsa ba'i gsum pa gsang ba thun mong ma yin pa zab pa'i gnad kyi man ngag gi skor la tshar chen rdo rje 'chang chen pos mdzad pa'i dkar chag snying po gnad sgron las/ gsang ba thun mong ma yin pa'i/ /yi ge gser gyi ri bo'i grangs/ /zhes yig sna brgya dang lnga bcu'i grangs su 'dren rgyu'i bdun gyi gtor ma'i zhal gdams gnyis gcig tu brtsis shing de min drug las dkar chag yongs grags ltar dang / gzhan gsang ba yang tig sems kyi gnad la brten nas bran bzhin bkol ba'i man ngag sogs lnga kun la ma grags pa'i snying nang gi khrag lta bu yin pas snyan brgyud glegs bam gyi gras su bzhugs par 'os pa'i dgongs pa ltar na/ chos tshan brgya dang sum cu so gcig dang / bdun po 'dir bsdoms pas yig sna brgya bzhi bcu rtsa dgur 'gyur ba dang / de'i steng du glegs bam gyi dkar chag yid bzhin nor bu rin po che'i bang mdzod kyi sgo 'byed gsal ba'i yid 'phrog bdag chen rdo rje 'chang gis mdzad pa bgrang pas/ tshar chen gyis/ dril bas mgon pod me 'bar mar/ /grags pa'i dkar chag nang bzhugs pa'i/ /yig sna brgya dang bzhi bcu dgu/ /dkar chag nyid dang lnga