[A:234]bstan pa gtad pa'i tshul gyis bram ze nag po'i sngags gtad kyi rjes
15
gnang dang bcas pa rnams legs par nos so/ /gnyis pa snyan brgyud gsum pa gdams pa dngos la/ man ngag gser 'gyur gyi rtsi lta bu'i nyams khrid/ rgyab brten lung dang phyag bzhes man ngag bcas pa gnyis/ dang po la/ thog mar rdo rje 'chang tshar pa chos rjes mdzad pa'i tshe sgrub srung 'khor rgyun gyi nyams len mar grags pa'i yi ge dang zhal shes la brten cing sngon 'gro gsang khrid nas kha bskangs te phyi nang gi srung 'khor 'chi med sgrub pa zhar byung bzlog pa dang bcas pa'i phyi'i nyams khrid zab mo/ 'di byin rlabs kyi tshan kha shin tu che bas bla ma gnyan lo tsA ba dar ma grags kyis dgung lo brgya dang lnga bcu bzhugs pa'ang man ngag 'di nyid kyi che ba yin par snang ngo / /rdo rje 'chang tshar pa chos rjes mdzad pa'i khrid yig zung 'jug rnam par rol pa bdud sde 'joms pa'i bshan pa chen po la gzhi byas/ rdo rje 'chang dbang phyug rab brtan pas mdzad pa'i lhan thabs yig chung zin bris zhal shes dang bcas pas brgyan nas/ sngon 'gro skyabs sems/ yig brgya/ bla ma'i rnal 'byor/ maNDal dang bcas pa'i khrid/ dngos gzhi 'khor lo bzhi la brten pa'i bsnyen pa/ 'khor lo bzhi ldan gyi sgrub pa/ thun mong dang thun mong ma yin pa'i las sbyor/ zhar byung ma 'grub na spogs chog gi ngo sprod dang bcas te sngon 'gro dngos gzhi rjes gsum tshang ba'i nyams khrid la brten nas rdo rje'i lus la gnad du bsnun pa'i gnad kyi gzung 'dzin gyi rtsa mdud rnams grol nas cir snang bde ba chen po'i rol par shar