[A:259]/ bag yod dus la bab min nam/ /zhes gsungs par dpags na phyi sgrub yin pa rgyu mtshan du byas nas snod ma brtags par bab col du 'chad pa'ang mi rung bar mngon no/ /gnyis pa nang rdo rje'i lus la gnad du bsnun pa gsang ba'i man ngag la/ rtsa ba'i yi ge tshigs bcad ma (glo)bla ma'i man ngag bzhin gab dkrugs med par dam pa kun dga' grags kyis mdzad pa/ yig rnying 'di lta bu yod pa mig dang rna ba'i yul du ma gyur par rtag brtan sprul sku kun dga' snying pos tshar chen gyi gur mgon gyi khrid las dpe blangs pa'i rang bzo yin zhes ngan smras kyi than skad phyogs brgyar sgrog pa ni rang gi nang cha gsal bar ston pa'o zhes rgyal dbang lnga pa chen pos gsungs so/ /gsang sgrub kyi khrid gzhung ngam man ngag thun mong ma yin pa snyan nas snyan du brgyud pa ka zha dka' bcu dang rong po dka' bcu sogs dge ba'i bshes gnyen du mas bskul ba la brten nas mtshungs med skyes mchog rgyal mtshan gyis mdzad pa/ gsang ba'i khrid yig zung 'jug rnam par rol pa bdud sde 'joms pa'i bshan pa chen po zhes bya ba mdo khams lho phyogs pa dbon chen chos rgyal mtshan dang bla ma grags pa rgyal mtshan sogs kyis bskul nas rdo rje 'chang tshar pa chos rjes dpal sa skya'i gtsug lag khang du mdzad pa/ des kha'u brag rdzong nag po'i ru 'dren gyi pho brang sum cu rtsa gsum gyi bsam gtan khang bur mdzad pa'i brgyud 'debs smon lam dang bcas pa rgyal ba kun dngos ma rnams 'di skor ni gtso bor mchog gi dngos grub zung 'jug gi go 'phang sgrub pa'i gsang lam