[A:277]spel/ /zhes pa'ang snang ngo / /'gor bcom ldan 'das dpal rdo rje sems dpa' zhes yod pa'i gsang khrid kyi zin bris (zha)mkhan chen zhwa lu pa rdo rje 'chang rin chen bsod nams mchog sgrub kyis mdzad pa'i yig chung ltar gsung gin 'dug go'i mtha' can rnams so/ /gsum pa phyi sgrub kun gyi snying por gyur pa zab pa las kyang ches zab pa'i snying thig ha la nag po'i skor ni/ phyi bram ze ltar sgrub pa/ nang zhing skyong gzi ldan dbang phyug gi sgrub pa/ gsang ba stobs 'phrog nag por sgrub pa gsum las phyi ma ste/ gong gi phyi sgrub dang khyad par gyi man ngag rnams su gab sbas thor bu bzhugs pas shes rlom can dag man ngag gi khog sgrig mi shes pas dpe mthong bas phyogs tsam yang mi rtogs pa'i phyir snyan brgyud kyi gdams pa zab mo dang ldan pa'i rdo rje slob dpon gyi gsung rgyun zhal shes phyag khrid kho na la bltos dgos pas/ rje btsun kun spangs rdo ring pa chen po yan chad du yi ge gsal bar bkod pa med 'dug na'ang / snyigs ma lnga ches cher bdo zhing bdud rigs snying la zhugs pa'i skye bo mi srun pa dag gis rnam par 'tshe ba bsrung ba la ji skad du/ 'phags pa'i yul dang gangs ri'i ljongs 'di na/ /bstan pa srung ba'i chos skyong bgrang yas kyang / /khro zhing 'khrug la gnyan zhing myur ba ni/ /yongs su grags pa stobs 'phrog dbang po yin/ /zhes ches khyad par du 'phags pa'i gdams skor rnams med du mi rung ba lta bu yin na'ang / kwa ye da ni lang tsho mthon por song / /kha ba'i khrod na 'di 'dra shes pa med/ /ga le spel kyang