[A:278]nub par gyur dogs nas/ /nga yis 'di ni yi ge ra gsal bar bris/ /zhes bstan pa rin po che'i btsas su 'khrugs bsdebs su mdzad pa shin tu rno ba reg thabs med pa lta bu nas/ de ltar 'di ni srog 'phrog ha la'i dug/ bstan dgra'i klad 'gems gshin rje'i dbyug pa ste/ /rnal 'byor sgos dgra'i snying 'byin bshan pa che/ /gang la'ang thogs med gnam lcags 'bar ba'i mtshon/ /sa skya'i rje btsun thugs kyi gces pa'i nor/ /kun spangs chos rje'i zhal gyi bdud rtsi'i bcud/ /sangs rgyas bstan pa bsrung ba'i mtshon cha'i mchog / rnal 'byor g.yul las rgyal ba'i dpa' bo'i chas/ /zhes dga' rab dbang phyug sde dang bcas pa las rnam par rgyal ba'i go mtshon yin la/ de yang dgos pa'i gtso bo/ gang 'di thub bstan 'jig la thug pa'am/ /rnal 'byor kha zhan skyabs dang bral gyur nas/ /kha drag dpung gis bsdigs shing gnod pa'i tshe/ /mtshon 'di phyung la sdig can chos dbyings skyol/ /zhes bstan pa'i spyi dgra dang rnal 'byor byang chub sgrub pa'i sgos dgra bsgral ba la dgongs nas mdzad pa yin pa las/ de la ma yig dang bu yig gnyis/ dang po ni/ dpal mgon zhing skyong nag po chen po dgra bo'i stobs 'phrog gdong bzhi pa'i sgrub thabs thun mong ma yin pa gsang ba las kyang ches gsang snying thig ha la nag po'i be bum zhes bya ba/ 'di nyid kyi lung gnang ba'i dus mgon po'i bris 'bur gyi sku byin rlabs can gyi drung du mchod gtor dang bcas te spyir las 'bras la 'dzem zhing bstan pa rin po che gces spras dang / khyad par dpal ldan sa skya pa'i