[A:315]nas/ mkha' 'gro ye shes mtsho rgyal/ mnga' bdag khri srong lde'u btsan/ lha sras mu tig btsan po/ nyang nyi ma 'od zer nas rim par brgyud de/ tshar chen rdo rje 'chang man 'dra'o/ /nye brgyud ni slob dpon chen po padmas/ grub thob 'dar phyar la dbang dang gdams pa gnang ba yin no/ /'on kyang da dung 'dir dpyad par bya ba rjes gnang gnyis ka'i brgyud pa'i smad so sor gyes tshul dang / be'u bum gyi lung brgyud kyi smad kyang rjes gnang dang phyogs 'grigs su yod med cung zad brtag par bya'o/ /smras pa/ rnam 'dren bka' srung bye ba'i 'khor lo sgyur/ /rnam gnyis mgon po 'khor bcas sgrub pa'i skor/ /bla chen mkhyen pa'i drang srong ltor 'khyil ba'i/ /gser chos dag byed skyugs rgyun de tsam btung / /zhes dam pa'i chos thos pa'i yi ge don gnyer gdengs can rol pa'i chu gter las/ gser chos gdong bzhi pa'i bka' sdod las mkhan dmar po gnod sbyin beg tse lcam dral gyi chos skor thos pa'i brgyud rim gyi sarga ste nyer drug pa'o/ /!/ /yar lung pa'i yi ge dang rje sangs rgyas rin chen gyis mdzad pa'i rjes gnang gi zin bris kyi steng nas bstan pa'i mnga' bdag rje btsun sa skya pa'i bka' srung dpal dur khrod bdag po yab yum gyi rjes gnang legs par nos nas/ rgyab brten lung la/ dpal dur khrod bdag po'i rgyud gsang ba snying gi 'khor lo le'u brgyad pa paNDi ta bai ro tsa na rakShi ta las brgyud cing 'dzim lo tsA ba'i 'gyur/ dur khrod bdag po'i sgrub thabs bai ro tsa nas mdzad pa/ 'gor he ru ka la phyag