[A:315]ནས། མཁའ་འགྲོ་ཡེ་ཤེས་མཚོ་རྒྱལ། མངའ་བདག་ཁྲི་སྲོང་ལྡེའུ་བཙན། ལྷ་སྲས་མུ་ཏིག་བཙན་པོ། ཉང་ཉི་མ་འོད་ཟེར་ནས་རིམ་པར་བརྒྱུད་དེ། ཚར་ཆེན་རྡོ་རྗེ་འཆང་མན་འདྲའོ། །ཉེ་བརྒྱུད་ནི་སློབ་དཔོན་ཆེན་པོ་པདྨས། གྲུབ་ཐོབ་འདར་ཕྱར་ལ་དབང་དང་གདམས་པ་གནང་བ་ཡིན་ནོ། །འོན་ཀྱང་ད་དུང་འདིར་དཔྱད་པར་བྱ་བ་རྗེས་གནང་གཉིས་ཀའི་བརྒྱུད་པའི་སྨད་སོ་སོར་གྱེས་ཚུལ་དང༌། བེའུ་བུམ་གྱི་ལུང་བརྒྱུད་ཀྱི་སྨད་ཀྱང་རྗེས་གནང་དང་ཕྱོགས་འགྲིགས་སུ་ཡོད་མེད་ཅུང་ཟད་བརྟག་པར་བྱའོ། །སྨྲས་པ། རྣམ་འདྲེན་བཀའ་སྲུང་བྱེ་བའི་འཁོར་ལོ་སྒྱུར། །རྣམ་གཉིས་མགོན་པོ་འཁོར་བཅས་སྒྲུབ་པའི་སྐོར། །བླ་ཆེན་མཁྱེན་པའི་དྲང་སྲོང་ལྟོར་འཁྱིལ་བའི། །གསེར་ཆོས་དག་བྱེད་སྐྱུགས་རྒྱུན་དེ་ཙམ་བཏུང༌། །ཞེས་དམ་པའི་ཆོས་ཐོས་པའི་ཡི་གེ་དོན་གཉེར་གདེངས་ཅན་རོལ་པའི་ཆུ་གཏེར་ལས། གསེར་ཆོས་གདོང་བཞི་པའི་བཀའ་སྡོད་ལས་མཁན་དམར་པོ་གནོད་སྦྱིན་བེག་ཙེ་ལྕམ་དྲལ་གྱི་ཆོས་སྐོར་ཐོས་པའི་བརྒྱུད་རིམ་གྱི་སརྒ་སྟེ་ཉེར་དྲུག་པའོ། །༈། །ཡར་ལུང་པའི་ཡི་གེ་དང་རྗེ་སངས་རྒྱས་རིན་ཆེན་གྱིས་མཛད་པའི་རྗེས་གནང་གི་ཟིན་བྲིས་ཀྱི་སྟེང་ནས་བསྟན་པའི་མངའ་བདག་རྗེ་བཙུན་ས་སྐྱ་པའི་བཀའ་སྲུང་དཔལ་དུར་ཁྲོད་བདག་པོ་ཡབ་ཡུམ་གྱི་རྗེས་གནང་ལེགས་པར་ནོས་ནས། རྒྱབ་བརྟེན་ལུང་ལ། དཔལ་དུར་ཁྲོད་བདག་པོའི་རྒྱུད་གསང་བ་སྙིང་གི་འཁོར་ལོ་ལེའུ་བརྒྱད་པ་པཎྜི་ཏ་བཻ་རོ་ཙ་ན་རཀྵི་ཏ་ལས་བརྒྱུད་ཅིང་འཛིམ་ལོ་ཙཱ་བའི་འགྱུར། དུར་ཁྲོད་བདག་པོའི་སྒྲུབ་ཐབས་བཻ་རོ་ཙ་ནས་མཛད་པ། འགོར་ཧེ་རུ་ཀ་ལ་ཕྱག་