[A:343]/ dpal ldan lha mo stag zhon trakShad zhang / /bstan srung chos skor rgya mtsho thos tshul lo/ /zhes dam pa'i chos thos pa'i yi ge don gnyer gdengs can rol pa'i chu gter las/ dur khrod yab yum sogs bka' srung rnams kyi chos skor thos pa'i brgyud rim gyi sarga ste nyer bdun pa'o/ // /gnyis pa de thams cad kyi rgyab brten lung gi tshogs thos pa'i brgyud rim la gnyis/ mkhas grub rnams kyi bstan bcos dang / ston pa'i bka' lung rin po che'o/ /dang po ni/ stobs bcu mnga' ba'i bstan pa'i snang phyed mkhas shing grub brnyes bla ma dam pa rnams kyis mdzad pa'i bstan bcos ni/ mgon po byams pas/ gang zhig rgyal ba'i bstan pa 'ga' zhig gi/ dbang byas rnam g.yeng med yid can gyis bshad/ /thar pa thob pa'i lam dang rjes mthun pa/ /de yang drang srong bka' bzhin spyi bos blang / /zhes gsungs pa ltar/ mdo sngags phyogs kyi tha snyad so sor dbye bar dka' ba bstan bcos sna tshogs pa'i skor gyi lung khrid mnos pa'i rnam grangs la/ rgya gar gyi paN grub nag po spyod pa'i rdo rje de nyid gangs ri'i ljongs 'dir sems can gyi don du bsams bzhin du sprul pa'i sku'i skye ba bzhes pa/ 'jam mgon grub pa'i dpa' bo rje btsun kun dga' grol mchog blo gsal rgya mtsho'i sde zhes bya bas thub bstan rin po che thugs kyi dpal be'ur bcangs pa'i byang chub sems dpa' rtag tu ngu'i rnam par thar pa'i rjes su bsgrubs te/ dam pa'i chos dka' ba brgya phrag du ma'i sgo nas bcal ba'i khrid brgya'i skor nos pa la/ zab khrid brgya