[A:38]nam mkha' dbang phyug she'u lo tsA ba kun dga' chos grags/ ngag dbang chos legs rdo rje/ mkhyen rab bstan 'dzin bzang po/ mkhyen rab byams pa ngag dbang lhun grub/ rmor chen bstan pa'i sgron me kun dga' lhun grub/ des bdag la'o/ /!/ /dpal sa skya pa'i gser chos lcags ri mi 'da' ba bcu gsum gyi steng du gcig bsnan pa'i klu pa'i gser chos bcu bzhir grags pa'i ya gyal sengge sgra'i ngag bsrung 'grol gyi man ngag shin tu zab pa'i mthar thug myong bas thon pa'i brgyud pa ni gong gi rje btsun sengge sgra'i skabs su song ngo / /smras pa/ rnam gsum grub pa'i dbang phyug gis bkral ba'i/ /mkha' spyod gsum gyi byin rlabs tshe dpag med/ /'jam dpal la sogs gser chos gdams pa'i skor/ /thos pa'i rna lung yangs 'di bla ma'i drin/ /zhes dam pa'i chos thos pa'i yi ge don gnyer gdengs can rol pa'i chu gter las/ gser chos mkha' spyod skor gsum gyi chos skor thos pa'i brgyud rim gyi sarga ste nyer gnyis pa'o/ // /bstan pa'i mnga' bdag rje btsun sa skya pa'i gser chos bcu gsum gyi nang tshan khyad par gyi gdams pa thun mong bsgrubs pas mchog zhar la 'grub pa dmar po skor gsum du grags pa la/ rjes 'brangs kyi mkhas pa rnams kyi bzhed tshul mi 'dra ba mang na'ang 'dir rje btsun ma sgrol ma dmar mo ku ru kulle/ tshogs bdag bgegs kyi rgyal po dmar chen/ khro bo kag chol 'dod pa'i rgyal po gsum las/ dang po ku ru kulle'am rje btsun rigs byed ma'i chos skor rnams kye rdor rtsa bshad kyi rgyud dang ku ru kulle'i rtog