[A:403]dam pa rnams la phyag 'tshal lo/ /nam mkha' lding bsgom par 'dod pa'i zhes pa dang / rdo rje nam mkha' lding gi bstod pa'o'i mtha' can/ dur khrod bdag po'i sgrub
(9)
skor tshigs bcad ma 'on kyang tshigs bcad ma 'di bla ma bai ro tsa nas mdzad pa 'dzim los 'gyur ba de ngos 'dzin dgos te/ sa chen gyis mdzad pa ni de'i 'grel pa tshig lhug pa bsnyen sgrub las tshogs dang bcas pa 'di yin pa'i shes byed ni/ sngar gyi tshigs bcad ma de la 'dir 'grel par byas pa lag tu blang ba'i rim pa shin tu gsal bar bzhugs pas shes shing / da ltar dur khrod bdag po'i sgrub skor rgyud gsang ba snying gi 'khor lo rgya gzhung bai ros mdzad pa dang / rje sa skya pa chen pos mdzad pa'i sgrub skor las tshogs thor bur bcas pa dang / yar klungs pas mdzad pa'i yi ge rnams dang bcas pa thams cad kyi lung zur du mdzad pa na'ang bzhugs pas lung rgyun tshang bar yod do/ /
'di bka' 'bum gyi dpe snga ma 'gar bris 'dug pa ltar dang / de'i 'grel pa sa skya pa chen pos mdzad pa/ 'gor phyag 'tshal dang / dpal ldan dur khrod bdag po yi/ /gdams pa gzhung dang mi 'gal ba/ /zhes yod pa/ bdag gzhan bsrung ba'i bsnyen pa/ sgrub pa/ las la sbyar ba rnams kyi lag len gsal bar bkod pa/ 'di la mos shing sgrub pa rnams/ /bar chad med par dngos grub kun/ /ci 'dod pa ni grub nas su/ /phyag rgya chen po thob par shog/ dpal dur khrod bdag po'i man ngag lag len sa mApta'i mtha' can/ las tshogs dum bu la 'gor yul du rims nad byung ba la zhes dang des ni mi phyugs nad rnams khegs kyi mtha' can/ bsnyen pa dang sgrub pa'i yig chung / tsakra'i rab gnas/ bsrung ba'i man ngag rnams kyi yig chung