[A:42]rgyun/ 'di ni dus gcig la snod ldan gyi slob bu gcig la chig brgyud ma gtogs mang por mi spel ba'i bka' rgya dang phyag len gyi rgyun ma nyams pa yod cing / de'i rgyu mtshan yang dkar chag tu/ blo chung thun mong gdams pas tshim/ /'byor ldan lung med yig hrul sdud/ /shes 'dod grags pa'i rjes su 'brang / /de dag chu 'dod smig rgyur snyeg/ ces pa'i ngang tshul dang ye mi 'dra bar slob dpon lhan skyes rol pa nas bzung ste rje btsun kun spangs chen po'i bar du tshad ma bzhi ldan gyi snyan brgyud gdams pa'i ngad ma yal ba'i zab gnad dang ldan pas/ ji skad du/ kho bos dam pa'i zhabs pad ring du bsten/ /snyan brgyud bdud rtsi'i zhal 'od snying la shar/ /'khrul med gdams pa'i gnad la nges pa thob/ /grogs dag 'di 'dra'i skal bzang kho bo tsam/ /zhes gsungs pa snying la bcang bar bya'o/ /bdag nyid nus ldan du bya ba dang lingga'i snying gar 'jug pa'i 'khor lo'i zhal shes kyi yig chung bka' rgya shin tu dam pa rnams so/ /!/ /gnyis pa klu sgrub kyis mdzad pa'i dngos grub 'byung ba'i skor la/ bsnyen pa/ lha dbang du byas nas don bsgrub pa/ klu dbang du byas nas char dbab cing nor bsgrub pa/ gnod sbyin dbang du byas nas zang zing bsgrub pa/ mi ma yin dbang du byas te srog 'phrog pa/ rmi lam ngan pa bzlog pa/ shes rab 'phel ba/ sri'u gso ba rnams ston pa khams gsum las rnam par rgyal ba'i sgrol ma'i sgrub thabs slob dpon klu sgrub kyis mdzad pa ko sa lar 'khrungs pa'i bai ro tsa na'i rang 'gyur/ de'i lag len gyi yig sna la lo rgyus/ zhi