[A:546]babs pa'i thog ma pho brang yam bu gla sgang gi yang thog tu dpal kun du bzang po'i rnam par sprul pa lha tho tho ri bzhugs pa'i phyag tu nyi zer dang lhan cig par gser shog la bai DUrYas bris pa'i dpang skong phyag brgya pa/ mdo sde za ma tog babs pas bstan pa'i dbu brnyes/ lag na padma mi'i gzugs can srong btsan sgam po'i dus 'jam pa'i dbyangs kyi sprul pa thu mi sambho Tas rin po che tog gi gzungs/ sher phyin 'bum pa/ thugs rje chen po'i mdo rgyud nyi shu rtsa gcig rnams bsgyur ba sogs kyis bstan pa'i srol btod/ 'jam dpal rdo rje'i sprul pa rje khri srong lde'u btsan gyi sku ring la mkhan slob gnyis dang bai ro tsa na la sogs pa'i bstan pa'i snang byed du gyur pa'i lo paN mang po bla'i mchod gnas su bkur te theg pa che chung gi bka' dang dgongs 'grel mtha' klas pa bsgyur nas bstan pa dar rgyas su mdzad/ sad na legs mjing yon gyi dus bande dpal brtsegs/ chos kyi snying po/ de wandhe/ dpal gyi lhun po sogs kyis phang thang ka med kyi gtsug lag khang na bzhugs pa'i gsung rab rnams la shlau ka bam grangs thems byang bkod par dkar chags Tang thang ma zhes bka' 'gyur phyogs gcig tu bsgrigs pa'i thog ma yin zhing / de rjes bande dpal brtsegs dang 'khon klu'i dbang pos bsrungs sogs kyis stong thang ldan dkar na bzhugs pa'i gsung rab rnams bsgrigs nas dkar chag ldan dkar ma mdzad/ btsan po khri lde'u srong btsan 'on ldang rdo na bzhugs pa'i dus su nyi 'og gi mkhan po A tsArYa dzi na mi tra/ su rendra bo dhi/ shI lendra bo dhi/ dA na shI la/ bo dhi mi tra